Sumqayıtda Vətən müharibəsi şəhidi Əliyev Səmid Xoşbəxt oğlunun xatirə lövhəsi açılıb.
APA-nın yerli bürosunun məlumatına görə, Corat qəsəbəsində baş tutan tədbirdə çıxış edən şəhid valideynləri bütün şəhidlərə rəhmət diləyib, Azərbaycan ordusunu, qalib əsgərlərimizi qələbə münasibətilə təbrik ediblər. Tədbirdə Səmid Əliyevin şücaəti və keçdiyi döyüş yolundan danışılıb. Çıxış edənlər müzəffər ordumuzun əldə etdiyi şanlı qələbədən, uğurlardan söz açıblar. Açılış mərasimində Corat qəsəbə 7 nömrəli orta məktəbin şagirdləri vətənpərvərlik ruhunda şeirlər səsləndiriblər.
Qeyd edək ki, Səmid Əliyev 5 iyun 1998-ci ildə Sumqayıtda anadan olub. Valideynlərinin 7 ilik oğul həsrətindən sonra dünyaya gəlib. Corat qəsəbəsindəki 7 nömrəli tam orta məktəbi bitirdikdən sonra hərbi xidmətə yollanmışdı. Həqiqi hərbi xidmət borcunu şərəflə başa vurduqdan sonra istehsalatda çalışmağa başlayıb. Ailədə 3 bacının yeganə qardaşı olan Səmid Əliyev Vətən müharibəsi başlamazdan əvvəl, 21 sentyabr tarixində könüllü ön cəbhəyə gedib. Oktyabrın 1-də Füzuli uğrunda gedən döyüşlərdə qəhrəmanlıqla şəhidlik zirvəsinə ucalıb, Sumqayıt şəhər Şəhidlər Xiyabanında dəfn olunub.
Prezidentin sərəncamı ilə “Füzulinin azad olunması” və “Vətən uğrunda” medalları ilə təltif təltif edilib.
Yaşasaydı bu gün 23 yaşı olacaqdı.
Allah rəhmət eləsin!
pia.az
Digərxəbərlər
Populyar xəbərlər
