ABŞ və Səudiyyə Ərəbistanı krallığa təhlükəsizlik zəmanəti verəcək və Qəzzada münaqişənin həllinə kömək edəcək müdafiə paktı üzərində çalışırlar...
Poliqon xəbər verir ki, bu barədə Bloomberg anonim mənbələrə istinadən məlimat yayıb.
“Birləşmiş Ştatlar və Səudiyyə Ərəbistanı, hökuməti Qəzza zolağında müharibəyə son qoyulacağı təqdirdə krallığa təhlükəsizlik zəmanətləri verəcək və İsraillə diplomatik əlaqələrə yol açacaq tarixi pakt bağlamağa yaxındırlar”, deyə nəşr qeyd edir.
Agentliyin məlumatına görə, sazişin bir hissəsi kimi Səudiyyə Ərəbistanı əvvəllər əlçatmaz olan qabaqcıl Amerika silahlarına çıxış əldə edə, həmçinin ABŞ-dan dinc nüvə enerjisinin inkişafında yardım alacaq. Bunun müqabilində Səudiyyə Ərəbistanı Çin texnologiyasının öz ölkəsinin şəbəkələrinə çıxışını məhdudlaşdırmalı olacaq.
Razılıq əldə etdikdən sonra ABŞ və Səudiyyə Ərəbistanı İsrailin baş naziri Benyamin Netanyahuya seçim qarşısında qoyacaq. İsrail artıq Səudiyyə Ərəbistanı ilə rəsmi diplomatik əlaqələr quraraq bir sıra şərtləri, o cümlədən Fələstin dövlətinin yaradılmasına razılıq verməli olacaq.
Eyni zamanda, müqavilənin təfərrüatları ilə tanış olan mənbələr sazişin imzalanmamasını da istisna etməyiblər.
Qeyd edək ki, aprelin 29-da Birləşmiş Ştatların dövlət katibi Entoni Blinken Qəzza zolağına çatdırılan humanitar yardımı müzakirə etmək üçün Səudiyyə Ərəbistanına səfər edib.
Polioqn.info
Digərxəbərlər
Populyar xəbərlər
