ABŞ-da Co Baydenin Mişel Obamanın xeyrinə seçkilərdən imtina edəcəyi ilə bağlı şayiələr var...
Poliqon xəbər verir ki, bu barədə “Spiegel” jurnalı məlumat yayıb. Nəşrin yazdığına görə, bir neçə aydır ki, keçmiş birinci xanımın prezidentliyə namizəd ola biləcəyi ilə bağlı xəbərlər yayılmaqdadır və şayilərə görə avqust ayında keçiriləcək Demokratik Milli Konvensiyada demokratlar Baydenin istefasını elan edərək, onun yerinə Mişel Obamanın namizədliyini irəli sürəcəklər. Qeyd edilir ki, keçən il hökumət demokratların seçkilərdə Obamanın şanslarını sınadığını bildirib.
Bu şayilərlə bağlı Mişel Obamanın sözçüsü “Spiegel”ə bildirib ki, keçmiş birinci xanım Bayden və onun vitse-prezidenti Kamala Harrisin seçki kampaniyasını tam dəstəkləyir. Nəşr qeyd edir ki, Obama iştirak etdiyi bütün tədbirlərdə hərarətlə qarşılanır.
“Spiegel”in yazdığına görə, amerikalıların üçdə ikisi 81 yaşlı Baydeni daha dörd il ABŞ-a rəhbərlik etmək üçün çox qoca hesab edir. Amma bir çoxları 77 yaşlı Trampdan da qorxur.
Poliqon.info