İran martın sonuna kimi kosmosa 5 yeni peyk buraxacaq

Poliqon xəbər verir ki, bunu İslam Respublikasının informasiya və kommunikasiya texnologiyaları naziri İsa Zarepur deyib.

“İlin sonunadək Yer orbitinə 5 yeni peyk çıxarılacaq. İslam İnqilabı Keşikçiləri Korpusu tərəfindən 2, Müdafiə Nazirliyi tərəfindən 2 peyk orbitə buraxılacaq, bir də xarici peykimizin buraxılışı olacaq. Ümumilikdə 5 peyk orbitə buraxılacaq”, deyə “Tasnim” Agentliyi nazirdən sitat gətirir.

Bir gün əvvəl İran Kosmik Agentliyinin rəhbəri Həsən Salariye İranın tədqiqat mərkəzlərindən birinin mütəxəssislərinin kosmosa buraxılmaq üçün biokapsul hazırladığını bildirib.

Bundan əvvəl isa Zarepur bildirmişdi ki, İslam İnqilabı Keşikçiləri Korpusunun Aerokosmik Qüvvələri (İran silahlı qüvvələrinin elit bölməsi) üçüncü hərbi peyk olan “Nur-3”ü uğurla Yer orbitinə çıxarıb.

Poliqon.info