Aprelin 15-də Qəzza zolağında “Əl-Şifa” xəstəxanasının yaxınlığında daha 15 cəsəd tapılıb...
Poliqon xəbər verir ki, bu barədə CNN telekanalı məlumat yayıb. Telekanal qeyd edir ki, İDF xəstəxana kompleksini tərk etdikdən sonra iki həftə ərzində “Əl-Şifa” yaxınlığında yüzlərlə cəsədin olduğu kütləvi məzarlıq aşkar edilib.
CNN-in məlumatına görə, cəsədlər tibb işçiləri tərəfindən çıxarılır, onlardan bəziləri BMT-nin nişanları olan jilet geyinir. Aprelin 9-da CNN telekanalı kompleksin yaxınlığında 381 cəsədin tapıldığını bildirib. Onların bir çoxu yerin altında tapılıb. Yerli sakinlər bildiriblər ki, bəzi cəsədlərin şəxsiyyəti məlum deyil.
BMT-nin hesabatında deyilir ki, cəsədlər ilk dəfə təşkilatın Humanitar Məsələlərin Koordinasiya Ofisi aprelin əvvəlində gəldikdən sonra aşkar edilib. BMT rəsmilərinin sözlərinə görə, İsrail hakimiyyəti humanitar işçilərin xəstəxana kompleksinə daxil olmasına dəfələrlə icazə verməyib.
Poliqon.info