Ukrayna Xarici İşlər Nazirliyinin rəhbəri Dmitri Kuleba bildirib ki, Rusiya ilə danışıqlar Vladimir Zelenskinin səsləndirdiyi “sülh formulu” üzrə birinci və ikinci sammit görüşləri arasında aparıla bilər...
Poliqon xəbər berir ki, İsveçrə bu il “sülh formulu” sammitinə ev sahibliyi etməyi planlaşdırır.
Hindistanın NDTV telekanalına müsahibəsində cənab Kuleba “sülh formulu”nu hər bir ölkənin işləməyə razı olduğu müəyyən maddələr seçə biləcəyi menyu ilə müqayisə edib. Onun sözlərinə görə, bu, Kiyevə daha çox ölkəni prosesə cəlb etməyə imkan verir.
“Sonra birinci və ikinci sammit arasındakı intervalda Rusiya ilə ünsiyyət iştirakçıların razılaşdırdığı qaydalara uyğun olaraq baş tuta bilər. Biz əmin olacağıq ki, Rusiyanın sammitə və sülh prosesinə belə müdaxilə etmək şansı olmasın”, deyə nazir qeyd edib.
Qeyd edək ki, 2022-ci ilin mayında Ukrayna Rusiya ilə sülh danışıqlarını dayandırıb. Həmin ilin oktyabrında ölkə prezidenti Vladimir Zelenski işğalçı rus ordusunun Ukrayna ərazilərindən çıxarılmasına qədər və Vladimir Putin prezident olduğu müddətdə Rusiya ilə gələcək danışıqların mümkünlüyünü istisna edən fərman imzalayıb.
Poliqon.info
Digərxəbərlər
Populyar xəbərlər
