Küçədə pivə satan Paşinyanın oğlu indi hardadır? - Video

Ermənistanın baş naziri vəzifəsini icra edən Nikol Paşinyanın oğlu Aşot Paşinyan paytaxt İrəvanın Abovyan küçəsindəki pivə satışını dayandırıb.

Yeniavaz.com Ermənistanın “İravunk” qəzetinə istinadən bildirir ki, Aşot Paşinyan seçkilərdən əvvəl atasının seçkiqabağı təbliğatına dəstək vermək üçün Abovyan küçəsi 26 ünvanında yerləşən kafelərdən birinin qarşısında pivə satırmış.

Qəzet yazır ki, Paşinyanların məqsədi əslində pul qazanmaq olmayıb. Onlar özlərini insanlara “sadə vətəndaş” olaraq təqdim etməyə çalışıblar. Bildirilir ki, küçədə pivə satan Aşot Paşinyanı kənardan 4 nəfər mühafizəçi qoruyub.
“İravunk” qəzeti yazır ki, seçkilər başa çatdıqdan və Paşinyan qələbə qazandıqdan sonra Aşot Paşinyan da küçədə pivə satışını dayandırıb. Artıq bir-neçə gündür Aşot Paşinyanın həmin ünvana gəlmədiyi bildirilir.
Aşot Paşinyanın küçədə pivə satdığı zaman lentə alınan görüntüləri təqdim edirik:

pia.az