AŞPA Putin və Lukaşenkonun tribunala verilməsi ilə bağlı qərar qəbul edib...
PİA.az xəbər verir ki, belə bir məlumatla AŞPA-dakı Ukrayna deputatları məlumat veriblər.
AŞPA-da təmsil olunan ukraynalı deputatlar bildiriblər ki, Avropa Şurası Parlament Assambleyası təcili prosedura əsasən, Rusiya prezidenti Vladimir Putinin və Belarus prezidenti Aleksandr Lukaşenkonun Haaqa məhkəməsində mühakimə olunması üçün tribunalın yaradılması ilə bağlı qətnaməyə yekdilliklə səs veriblər.
Qətnamədə həmçinin, Ukraynada Rusiya tərəfindən insan haqlarının kobud şəkildə pozulması da pislənib.
Qətnamənin əsas müddəaları arasında aşağıdakılar yer alır:
Rusiya qüvvələrinin Ukraynada törətdiyi çoxsaylı beynəlxalq humanitar hüququn pozulmasının pislənməsi və təcavüzə haqq qazandırmaq üçün Rusiyanın rəsmi ritorikasının soyqırıma açıq təhrik əlamətlərinin olduğunun tanınması;
Ukrayna və onun vətəndaşlarına dəyən zərərin ödənilməsi üçün beynəlxalq mexanizmin yaradılmasına çağırış;
Rusiya siyasi rəhbərliyini Ukraynaya qarşı təcavüz cinayətinə görə mühakimə etmək üçün Xüsusi Beynəlxalq Tribunalın yaradılması üçün çağırış.
pia.az