ISW: Rusiya Ukraynaya qarşı yeni genişmiqyaslı hücum planlaşdırır...

Poliqon xəbər verir ki. bu barədə Amerika Müharibə Araşdırmaları İnstitutunun son hesabatında bildirilir. ISW ekspertləri belə hesab edir ki, Qərbin Ukraynaya yardımının gecikməsi Rusiyaya döyüş meydanında irəliləməyə imkan verir.

“Ukrayna ABŞ-dan yeni silah tədarüklərini gözləyir, lakin onların vaxtında çatmayacağı ilə bağlı qorxular var. Artıq yaz və yay aylarında Rusiya ordusu yeni genişmiqyaslı hücum əməliyyatı keçirməyi planlaşdırır. Ukrayna hakimiyyəti uzun müddətdir ki, bu barədə xəbərdarlıq edir. Hazırda orada vəziyyət ağırdır və Qərbin dəstəyinin gecikməsi Rusiyaya döyüş meydanında irəliləməyə imkan verir”, deyə Ukrayna cəbhəsindəki hadisələri daim izləyən ABŞ-da yerləşən Müharibə Araçdırmaları İnstitutunun beyin mərkəzinin hesdabatında bildirilir.

Ekspertlər bu vəziyyəti NATO üçün də yaxşı xəbər olmadığını vurğulayərlar.

“Biz Ukraynanın şərq cəbhəsində, xüsusən də Rusiya qoşunlarının hazırda əməliyyat səviyyəsində hücum əməliyyatları apardığı üç ərazidə kifayət qədər kritik vəziyyəti müşahidə edirik. Bu kritik vəziyyətlər Liman istiqamətində və Donetsk vilayətinin şimalında, Baxmut yaxınlığında və Avdeevkadan Donetsk şəhərinin qərbinə və cənub-qərbinə doğru uzanır. Rus qoşunları tədricən kiçik taktiki uğurlar əldə edirlər.

Ukrayna ordusu hazırda maddi çatışmazlıqlar və Qərbin təhlükəsizlik yardımında gecikmələr səbəbindən böyük təzyiq altındadır və Ukrayna qüvvələri əvvəllər gördüyümüz Rusiyanın çoxsaylı hücumlarını dayandırmaq üçün lazım olan imkanlara malik deyil.

Halbuki Rusiya ordusu tədricən döyüş meydanında çevikliyi bərpa edir və bu yay gözlənilən genişmiqyaslı Rusiya hücum əməliyyatı zamanı əhəmiyyətli əməliyyat uğurları əldə etməklə hədələyir”, deyə hesabatda vurğulanır.

ISW qeyd edir ki, Rusiya əsas hədəflərə, o cümlədən strateji Çasov Yar şəhərinə daha çox hücum planlaşdırır:

"Rusiya qoşunları Çasov Yarı ələ keçirsələr, onlar Konstantinovka və Drujkovkada sonrakı hücum əməliyyatlarına başlaya biləcək mövqeyə sahib olacaqlar. Bunlar böyük şəhərlərdir və Ukrayna müdafiəsinin əsasını təşkil edən ərazilərdir. Buna görə də Rusiya qoşunları Çasov Yarı tutmaq üçün hücum əməliyyatlarını gücləndirməyə davam edəcəklər.”, deyə hesabatda bildirilir.

Xatırladaq ki, Ukrayna bir müddətdir ki, yazda Rusiyanın mümkün hücumu barədə xəbərdarlıq edir. ISW hesab edir ki, rus qoşunları tanklarda, təyyarələrdə və döyüş sursatlarında üstünlüyə malikdir. Qərbin tədarükünün gecikməsi Ukraynanın müdafiəsinə ciddi təsir edir.

Poliqon.info