Türkiyə Prezidenti Rəcəb Tayyib Ərdoğanın amerikalı həmkarı Co Baydenlə iyunun 14-nə NATO zirvəsi çərçivəsində planlaşdırılan görüşündən əvvəl ABŞ-dan qalmaqallı açıqlamalar səslənib.
“Haber Global” məlumat verir ki, ABŞ Dövlət katibi Entoni Blinken bəzi iddialarla çıxış edib.
“Aramızdakı ayrılıqlar sirr deyil. Türkiyə NATO-nun müttəfiqi kimi davranmır”, - deyə o, Ankaranın Moskva ilə S 400-lərlə bağlı razılaşmasını xatırladıb.
Şərqi Aralıq dənizi ərazisində yaşanan proseslərdən də narahatlığını dilə gətirən Blinken bölgədə gərginliyin azaldılmasını müsbət qarşıladıqlarını bildirib.
O vurğulayıb ki, Bayden Ərdoğanla görüşündə bu mövzuları müzakirə edəcək. Blinken Türkiyənin Qərb dövlətləri ilə eyni sırada yer almasının hər iki tərəfin xeyrinə olduğunu bildirib və Ankara ilə Vaşinqton arasında Suriya, terrorla mübarizə, Rusiya və İranla bağlı siyasətdə fikir ayrılıqları yaşandığını xatırladıb.
pia.az
Digərxəbərlər
Populyar xəbərlər
