Şənbə, 01 Oktyabr 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Rusiyanın itkilərinin 20 faizi hava-desant qvvələrinin payına düşür

BBC-nin Rusiya xidməti “Mediazona” portalı və könüllülər komandasıyla birlikdə Rusiya ordusunun Ukraynada itkiləri haqda yeni məlumat dərc ediblər.

"AzPolitika.info" xəbər verir ki, araşdırmaçılar işğalçı ordunun Ukraynada 5701 rusiyalı hərbçisinin öldüyünü təsdiq etməyə nail olublar.

Bir batalyonda ortalama 300 nəfərin olduğunu nəzərə alanda Rusiyanın Ukraynada yarımillik hərbi təcavüz nəticəsində verdiyi itkilər azı 20 batalyon təşkil edir.

Jurnalistlər yalnız yerli hakimiyyət orqanlarının, medianın və ölənlərin yaxınlarının yaydığı informasiyalar əsasında məlumat yığdıqlarını bildirirlər. Ona görə də onlar siyahıdakıların real ölü sayının 40-60 faizini təşkil etdiyini vurğulayırlar.

Ukraynada həlak olmuş 5701 hərbçinin 966 nəfəri, yəni 17 faizi zabitlərdir, onların dördü general, 34-ü polkovnikdir. Rusiya generalının ölümü haqda son xəbər iyunda yayılıb. Ən çox itki aşağı rütbəli zabitləri əhatələyir. Jurnalistlər belə qənaətə gəliblər ki, aşağı rütbəli zabitlər üzrə ölü sayı onların tabeliyində olan sıravilər, serjantlar və praporşiklərlə müqayisədə üç dəfə çoxdur.

Ümumilikdə siyahında ilk yerdə piyadalar və desantçılar gəlir. Avqustun 18-nəcən ölümü təsdiqlənmiş hərbçilərin 20 faizi hava-desant qüvvələrinin payına düşür, 20 faizi isə motoatıcı bölmələri əhatə edir.

Media və rəsmilərin könüllülər adlandırdığı şəxslər arasında ölü sayı sürətlə artan kateqoriyaya aiddir. Bu statusda müharibəyə gedənlər əsasən regionlardan, maaşı yüksək olmayan, yaşı 40-dan yuxarı şəxslərdir. Daha 66 hərbi pilotun ölümü də təsdiqlənib, onlar hərbi elita kimi tanınan mütəxəssislərdir.

Getdikcə Rusiya regionları Ukraynadakı itkilər haqda daha az məlumat paylaşırlar. Mayın sonundan çoxları bunu etmir.

Təsdiqlənmiş itkilər üzrə lider regionlar Dağıstan (270 nəfər), Buryatiya (245) və Krasnodar diyarıdır (206). Məsələn, Moskvadan cəmi 14 hərbçinin ölümü təsdiqlənib. Baxmayaraq ki, paytaxt əhalisi ölkənin 9 faizə yaxınını təşkil edir.

ABŞ-ın Mərkəzi Kəşfiyyat İdarəsi (CIA) iyulun sonunda Rusiyanın Ukraynada 15 mindən çox itki verdiyini açıqlayıb. Britaniya kəşfiyyatı iyunda 20 min itkidən danışırdı. Ukrayna Silahlı Qüvvələrinin Baş Qərargahı isə Rusiyanın müharibədə 40 min əsgər və zabit itirdiyini bildirir.

Pentaqonun avqustun əvvəlində açıqladığı məlumata görə, Rusiyanın Ukraynadakı itkiləri, ölü və yaralılar daxil olmaqla, 70 mindən 80 minədəkdir. Rusiya ordusu sonuncu dəfə martın 25-də rəsmi itki sayını açıqlayıb, müharibədə 1351 nəfərin həlak olduğunu bildirib.

pia.az

 


Etiket:


Digərxəbərlər

General-mayor Bəkir Orucov "Tərtər işi" üzrə təqsirli bilinərək həbs olunub - Yenilənib

Deputat məktəblər haqqında: “Özbaşınalıq, hərc-mərclik, rüşvət tüğyan edir...”

Populyar xəbərlər

Paşinyan NATO hərbçilərini Azərbaycanla sərhədə gətirir - Təhlükəli oyun

Hücum helikopterləri Zahedan üzərində uçaraq Bəluç nümayişçilərinə atəş açdı - Video, Yenilənib

“Dövlətdən oğurlayıb, küçə insanlarına ev alırlar” - Partiya sədri 

Zaqatalada tarixi şəxsiyyətlərin adı ilə bağlı biabırçılıq- Fotofakt

"Özünüzü artistliyə vurmayın, yığışdırın yalançı sevgilərinizi"

İranlı din xadiminin qızının toy görüntüləri gündəm oldu - Video

Sentyabr şəhidinin ürək dağlayan həyat hekayəsi 

Alla Puqaçovanın Rusiyaya qayıtmasının səbəbi məlum oldu

Bu gündən icbari avtomobil sığortası üzrə haqlar yeni qayda ilə hesablanacaq

Ən çox oxunanalar