Birləşmiş Ştatlar sərhədini keçən sənədsiz miqrantlar arasında digər ölkələrin həbsxanalarında və ya ruhi xəstəxanalarda saxlanılanlar da var...
Poliqon xəbər verir ki, bunu ABŞ-ın keçmiş prezidenti Donald Tramp çərşənbə axşamı WGAL telekanalına müsahibəsində deyib.
“Onlar (indiki Amerika administrasiyası) qərara gəliblər ki, dünyanın hər yerindən insanların ölkəmizə daxil olmasına imkan verən açıq sərhədlərə ehtiyacımız var: həbsxanalardan, psixiatriya xəstəxanalarından çıxanlar ölkəmizə axın edirlər və biz hər kəsi qəbul edirik” deyə Tramp bildirib.
Eyni zamanda Tramp etiraf edib ki, immiqrantlar arasında ABŞ-a fayda gətirən insanlar var.
Qeyd edək ki, keçmiş Amerika lideri müntəzəm olaraq ABŞ-ın hazırkı prezidenti Co Baydenin immiqrasiya siyasətini tənqid edir. Trampa görə Bayden Adminstrasiyasının bu siyasəti ABŞ-ı “dünyanın qalan hissəsi üçün zibilxanaya” çevirib.
Tramp həmçinin noyabrda keçiriləcək prezident seçkilərində qalib gələcəyi təqdirdə ABŞ sərhədini qeyri-qanuni miqrantlar üçün bağlayacağını vəd edir.
Poliqon.info
Digərxəbərlər
Populyar xəbərlər
