Makron Çin liderini əsəbləşdirib...

Fransa prezidenti Emmanuel Makronun Çin sədri Si Tsinpini Ukrayna məsələsində Rusiyaya təzyiq göstərməyə inandırmaq cəhdi heç bir nəticə verməyib.

Poliqon xəbər verir ki, bu barədə The New York Times qəzetinin məlumatında bildirilir.

Nəşrin yazdığına görə, Si Tsinpin ölkəsinin Rusiya ilə yaxın münasibətlərinə görə tənqid edilməsinə qətiyyətlə qarşı çıxıb. O, Ukrayna böhranının məsuliyyəti üçüncü ölkələrin üzərinə atmaq, onların reputasiyasını ləkələmək və yeni “soyuq müharibə”yə başlamaq üçün istifadə olunmasının əleyhinə olduğunu vurğulayıb.

Çin lideri Pekinin Ukrayna böhranının başlanğıcında olmadığına və onun tərəflərindən biri olmadığına da diqqət çəkib.

“Qəzəbli sözlər əsasən ABŞ-a yönəlib, belə görünür ki, Çin Rusiyadan böyük miqdarda neft və qaz almaqla yanaşı, Moskvaya kömək etməyə davam edir”, NYT-nin məqləsində deyilir.

Parisdə Fransa prezidenti Emmanuel Makronla danışıqlardan sonra jurnalistlər qarşısında çıxışı zamanı Çin prezidenti bəyan edib ki, Çin Ukraynadakı vəziyyəti həll etmək üçün beynəlxalq konfransı dəstəkləməyə hazırdır, lakin bir şərtlə ki, belə bir təşəbbüs həm Kiyev, həm də Moskva tərəfindən dəstəklənsin.

Poliqon.info