Milli İnsan Resursları Forumu uğurla yekunlaşdı - Foto

“Facemark”, “HR Option” və “HRENGINEERING” şirkətlərinin təşkilatçılığı, “VATA” şirkətinin baş sponsorluğu, “ROOF Academic Training”, “Peoplise” və “Business School Istanbul” şirkətlərinin platinum sponsorluğu, “BeIT & Partners”, “LOQO”, “DataExpert” və “IST Services” şirkətlərinin gold sponsorluğu və “Anzera”, “Başkent” restoranlar şəbəkəsi və “İnnab”ın silver sponsorluğu ilə 300-dən çox şirkət nümayəndələrinin iştirakı ilə baş tutub.

Tədbir Azərbaycan Respublikasının Dövlət Himni və ərazi bütövlüyümüz uğrunda canından keçən Vətən övladlarının xatirəsinin yad edilməsi ilə başlayıb. Daha sonra Dövlət Məşğulluq Agentliyinin İdarə heyətinin sədri Mustafa Abbasbəylinin və Milli İnsan Resursları Forumunun layihə rəhbəri Cabir Süleymanlının açılış nitqi ilə davam edib.

Üç moderator və 16 spiker “Birlikdə qazan” şüarı ilə “Top uğrunda mübarizə”, “Mərkəz xətti”, “Oyundan kənar vəziyyət” panelləri üzrə sahəyə dair müxtəlif mövzuları müzakirə ediblər.

“MİRF”in layihə rəhbəri Cabir Süleymanlının moderator olduğu “Top uğrunda mübarizə” panelində “GDG Professionals” şirkətinin təsisçisi və Baş Direktoru Gülzar Quliyeva, “Kapital Bank” ASC-nin İdarə Heyətinin üzvü, İnsan kapitalı və Təşkilati inkişaf üzrə Baş inzibatçı, Fərqanə Məmmədova, “Veysəloğlu” Şirkətlər Qrupu Qrup ofis direktoru (Aparat rəhbəri) Zaur Zeynalov, ADA Universitetinin Rekruitment meneceri Dr. Aytəkin Hüseynova, “Peoplise” MMC-nin  Satış və müştəri əlaqələri üzrə rəhbər Doğuşcan Oto və "Yüksəliş" müsabiqəsi Testlər və insan resursları şöbəsinin rəhbəri Elmira Məmmədova komanda quruculuğu istiqamətində öz təcrübələrini bölüşüblər. Həmçinin panel zamanı top kadrların cəlb edilməsi, HR-ın şirkətin hədəflərinə çatmasında və doğru komandanı formalaşdırmasındakı rolu kimi bir çox önəmli mövzulara toxunulub.

İdarəetmə üzrə konsultant və təlimçi Elşən Bərdirxanovun moderator olduğu “Mərkəz Xətti” panelində “ALPHA Coaching & Consulting” MMC-nin İcraçı direktoru Elçin Əzimli, “Project Management Baku” MMC-nin Təsisçisi Xədicə Berktaş, İnsan resursları üzrə konsultant Vahidə Rzayeva, “PAŞA Həyat Sığorta” ASC-nin Baş İnsan resursları İnzibatçısı Coşqun İmanquluyev və “KPMG Türkiyə”nin İnsan Resursları direktoru Neslihan Çakıt komanda dinamikləri necə müəyyənləşdirilməlidir, düzgün komanda necə qurulmalıdır, təcrübələrindən, tarixdən, futboldan, kinolardan nümunələr və analogiyalarla komanda oyunçusu necə olmalıdır mövzularında fikir mübadiləsi ediblər.

Dövlət Məşğulluq Agentliyinin Mərkəzi Karyera filialının müdiri Toğrul Ələkbərovun moderator olduğu “Oyundan kənar vəziyyət” panelində  Caspian Capital Group şirkətinin icraçı direktoru Elvin Mahmudov, “McDonalds” Azərbaycanın İnsan Resursları Departamentinin direktoru Anar Bayramov, “BP”nin İnsanlar və Korporativ Mədəniyyət üzrə partnyoru Çinarə Əhmədova, “PMD Hospitality” MMC-nin İnsan Resursları üzrə direktoru Azad Ömərov və “DataExpert & BMI Business School İstanbul”un sədri Hasan Altunkayanın spikerliyi ilə baş tutub. Panel zamanı komandaların motivasiya edilməsi, komandaların uğursuzluq keyslərinin, komandanı demotivasiya edən halların, eyni zamanda komandanı komanda edən mövhumların müzakirəsi aparılıb.

Qeyd edək ki, tədbirin sonunda iştirakçılar sertifikatla, həmçinin dəyərli hədiyyələrlə təmin olunlubar. Həmçinin bu il ilk dəfə olaraq forumda HR sahəsinə dair mini tamaşa da təqdim edilib.

Poliqon.info