“Azərbaycanla qarşılaşma bizim üçün çox önəmli idi. Çünki son oyunlardakı nəticələrimiz yaxşı deyildi. Bu qələbədən sonra FİFA reytinqində irəliləyəcəyik”
Bu sözləri Qol.az-ın Avstriyaya ezam olunmuş xüsusi müxbirinə açıqlamasında Makedoniya millisinin məşqçisi Argent Bekiri yığmamızla yoldaşlıq oyunundan (3:1) sonra deyib.
Bir vaxtlar Makedoniya millisinin şərəfini qorumuş 41 yaşlı mütəxəssis yığmamızın oyunu ilə bağlı da fikirlərini bölüşüb: “Azərbaycan millisi mən oynayan dövrdə daha yaxşı təsir bağışlayırdı. Bu görüşdə isə komandanız ikinci hissədə inamlı çıxış etdi”.
A.Bekiri “Qarabağ”ın makedoniyalı futbolçusu Muarem Muaremin milliyə dəvət almamasına da münasibət bildirib: “Muarem əvvəllər Makedoniya millisinə çağırıldı. Son vaxtlar bir qədər oyun təcrübəsindən əziyyət çəkdi. Ancaq yenə onun milli komandada yeri var. Yaxşı çıxış etsə, yenidən milliyə dəvət alacaq”.
pia.az
Digərxəbərlər
Populyar xəbərlər
