Son dörd həftə ərzində COVID-19 virusundan ölənlərin sayı 35% artıb.
Bu barədə Ümumdünya Səhiyyə Təşkilatının (ÜST) Baş direktoru Tedros Adanom Qebreyesus Cenevrədə keçirilən brifinqdə məlumat verib.
“Dünyada COVID-19-dan ölənlərin sayı 35% artıb. Təkcə elə son bir həftədə 15 000 insan ölüb. Bu, qətiyyən qəbuledilməzdir, çünki bizdə infeksiyanın yayılmasının qarşısını almaq və insanların həyatını xilas etmək üçün vasitələr var”, - ÜST rəhbəri deyib.
Onun sözlərinə görə, Şimal yarımkürəsində soyuq havaların yaxınlaşması və insanların qapalı yerlərdə daha çox vaxt keçirəcəkləri ilə əlaqədar olaraq, infeksiyanın daha intensiv yayılması və xəstəxanaya yerləşdirilmə riski önümüzdəki aylarda yalnız artacaq.
Qebreyesus bildirib ki, bu, təkcə COVID-19 üçün yox, digər xəstəliklərə, o cümlədən qripə də aiddir: “Hamımız bu virusdan, pandemiyadan bezmişik, lakin virus bizdən əl çəkmir”.
ÜST rəhbəri vurğulayıb ki, laboratoriya testləri zamanı müəyyən edilən COVID-19 törədicilərinin 90 faizindən çoxu indi omikron ştamının BA.5 alt növünün payına düşür.
Qebreyesus ölkələrin ardıcıllıq nəticələrinə dair daha az məlumat paylaşmağa başladıqlarını qeyd edib: “İlin əvvəli ilə müqayisədə belə məlumat mübadiləsinin həftəlik qeydə alınan sayı 90%, məlumat verən dövlətlərin sayı isə 75% azalıb”.
Xatırladaq ki, avqustun 16-na olan məlumata görə, pandemiyanın başlanmasından bəri ÜST-ə 588 757 628 koronavirusa yoluxma halı və 6 433 794 ölüm faktı barədə məlumat daxil olub.
pia.az
Digərxəbərlər
Populyar xəbərlər
