Mədəniyyət Nazirliyi Xalq artistinin dəfn mərasimi ilə bağlı vətəndaşlara müraciət etdi...
Mədəniyyət Nazirliyi koronavirus infeksiyasının qarşısının alınması məqsədilə Azərbaycanda tətbiq olunan xüsusi rejimin qaydalarına riayət olunması üçün Xalq artisti Rauf Babayevin dəfni ilə bağlı vətəndaşlara müraciət edib.
Bu barədə "Report"a açıqlama verən nazirliyin Mətbuat Xidmətinin rəhbəri İntiqam Babayev deyib ki, heç kim dəfn mərasiminə gəlməsin:
"Mətbuat vasitəsi ilə insanlara müraciət edirik ki, heç kim dəfn mərasiminə gəlməsin. Hökumətin karantin rejimi ilə bağlı qərarı var. Hamı buna əməl etməlidir. 10 nəfərdən artıq insanın toplaşmasına icazə yoxdur. Nazirlik mədəniyyət xadiminin itikisi ilə əlaqədar ailəsinə, yaxınlarına və xalqımıza başsağlığı verir".
Qeyd edək ki, Xalq artisti, müğənni Rauf Babayev bu gün 82 yaşında dünyasını dəyişib.
O, bu gün İkinci Fəxri Xiyabanda dəfn olunacaq.
Allah rəhmət eləsin!
pia.az
Digərxəbərlər
Populyar xəbərlər
