Özünü “Salyan xanı” adlandıran sabiq icra başçısı toy edən iş adamlarından pul tələb edirmiş

Salyandan olan iş adamları bildirib ki, Tahir Kərimov bu rayonda icra başçısı işlədiyi vaxtı yerli sahibkarlardan biri onu övladının toy məarsiminə dəvət edib. Dəvətnamə Tahir Kərimova çatandan az sonra icra başçısının köməkçisi iş adamına zəng edərək, dəvətnamənin içərisinin niyə boş göndərilməsi barədə sual edib.

Sözügedən iş adamı deyir ki, Tahir Kərimovun köməkçisi ona zəng edib bu sualı verən zaman ilk anda bunun mahiyyətini anlamayıb.

"Ancaq sonra Salyandan olan başqa bir iş adamı dostum da mənə bildirdi ki, bizim kimi adamlar tərəfindən Tahir Kərimov toya dəvət edilən zaman dəvətnamənin içərisində mütləq pul göndərilməlidir. Əks təqdirdə Tahir Kərimov həmin toya qatılmayacaqdı. Hətta, o, pul göndərilmədiyinə görə toy keçirilən yerin işıqlarını söndürürdü. Bu onun adəti idi. Buna görə də biz məcburiyyətdən Tahir Kərimovu icra başçısı kimi toya mütləq dəvət edirdik. Özü də dəvətnamənin arasında mütləq pul göndərirdik..." - sahibkar əlavə edib.

Sözügedən ittihamlarla bağlı Tahir Kərimovun telefon nömrələrinə zəng etsək də, zəngimizə cavab verən olmayıb. (Demokrat.az)

pia.az