Ötən gün - iyunun 15-də Kür çayında çimərkən batan şəxslərin axtarışları davam etdirilir...
Fövqəladə Hallar Nazirliyindən (FHN) bildirilib ki, "112" qaynar telefon xəttinə Kür çayının Tovuz rayonu ərazisindən keçən hissəsində 2 nəfərin batması barədə məlumat daxil olub.
Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Qeyd olunub ki, əlavə məlumat veriləcək.
Qeyd edək ki, iyunun 15-də çayın rayonun Hunanlar kənd ərazisindən keçən hissəsində 2 nəfər - Abulbəyli kənd sakini, 1974-cü il təvəllüdlü Həsənov Namiq Əli oğlu və həmkəndlisi 1986-cı il təvəllüdlü İsmayılov Abbas Hüseyn oğlu çayda çimərkən boğulublar.
pia.az