Gözəllik salonunda arvadını öldürən şəxs barəsində həbs qərarı verildi

Musavat.com xəbər verir ki, qətl törətməkdə ittiham edilən 47 yaşlı Rüstəm Qasımov barəsində həbs-qətimkan tədbiri seçilib.

İstintaq orqanının təqdimatına əsasən Sabunçu Rayon Məhkəməsi R.Qasımov barəsində 3 ay müddətində həbs-qətimkan tədbiri seçib.

Xatırladaq ki, qətl hadisəsi mayın 28-də Ramana qəsəbəsində yerləşən gözəllik salonunda baş verib.

1983-cü il təvəllüdlü Bakı şəhər sakini Nurana Qədimova işlədiyi salonda bıçaqlanaraq öldürülüb.

Prokurorluq və polis əməkdaşları tərəfindən həyata keçirilən istintaq-əməliyyat tədbirləri nəticəsində qətli 1973-cü il təvəllüdlü Rüstəm Qasımovun törətdiyi müəyyən edilib.

R.Qasımov arvadını qısqanclıq zəminində öldürdüyünü deyib.

pia.az