Cümə axşamı, 01 Oktyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Fuad Qəhrəmanlı vəkilindən imtina etdi

Azərbaycan Xalq Cəbhəsi Partiyasının (AXCP) Rəyasət Heyətinin həbsdə olan üzvü Fuad Qəhrəmanlı vəkili Bəhruz Bayramov-dan imtina edib. Bu barədə AzadlıqRadiosu-na danışan vəkil bildirib ki, müdafiə prosesinə qoşulmasından 10 gündən çox keçsə də, avqustun 6-da ilk dəfə F.Qəhrəmanlı ilə görüşüb.

Görüş Bakı İstintaq Təcridxanasında baş tutub. B.Bayramov F.Qəhrəmanlı haqqında həbs-qətimkan tədbiri seçilməsi haqda qərardan apellyasiya şikayəti vermişdi.

Şikayətə avqustun 6-da səhər saat 10.40-da baxılmalıydı. Amma məhkəmə prosesi günorta saat 15.00-a təxirə salınıb. Həmin ərəfədə vəkilə Baş Prokurorluğun İstintaq İdarəsindən zəng gəlib və bildirilib ki, müstəntiq onu təcridxanada hüquqlarını müdafiə etdiyi şəxsə təqdim edəcək.

Lakin Bakı İstintaq Təcridxanasındakı görüşdə F.Qəhrəmanlı ondan imtina edib: "Müstəntiq və dövlət hesabına ona müdafiəçi təyin edilən vəkilin iştirakıyla görüşdük. Bizim Fuad Qəhrəmanlıyla təkbətək görüşümüz isə dəqiqə yarım çəkdi. Bildirdi ki, indiki məqamda dövlət hesabına vəkillə kifayətlənir. Mənə öz təşəkkürünü bildirdi".

F.Qəhrəmanlıya işgəncə verilməsi haqda iddialara gəlincə, B.Bayramov bu haqda qəti fikir söyləyə bilməyəcəyini bildirib:

"Dəqiqə yarımlıq görüşdə bütün bunlar haqda danışmaq imkanı olmadı. Ona görə də dəqiqləşdirə bilmədim. Amma özünü təqsirli bilmədiyini, ittihamları qəbul etmədiyini dedi. Bildirdi ki, etirafedici ifadə də verməyib".

F.Qəhrəmanlının həbs qərarından verilən şikayətə də baxılıb. Hakim Habil Məmmədovun sədrliyilə keçirilən məhkəmə iclasında müstəntiq elan edib ki, F.Qəhrəmanlı apellyasiya şikayətindən imtina edib. O, imtina ərizəsini də hakimə təqdim edib. Bu səbəbdən apellyasiya baxışına xitam verilib.

Xatırlatma: Bu il iyulun 14-də Bakda orduya dəstək yürüşünə qatılmış onlarla şəxs saxlanıb. AXCP-dən verilən məlumata görə, bu partiyanın 45 üzvü saxlanılıb. Onlardan 17 nəfərə Qarabağa dəstək yürüşü ilə bağlı Baş Prokurorluğun İstintaq İdarəsində başlanmış cinayət işi üzrə ittiham irəli sürülərək, bir nəfər istisna olmaqla, digərləri barəsində həbs-qətimkan tədbiri seçilib. Daha 18 nəfərə karantin rejimini pozma ittihamıyla 30 sutka inzibati həbs cəzası kəsilib. 10 nəfər isə sərbəst buraxılıb. Baş prokurorluq və Daxili İşlər Nazirliyinin birgə açıqlamasında yürüş zamanı polis əməkdaşlarına xəsarət yetirildiyi, xidməti avtomobillərin aşırıldığı, Milli Məclisə ziyan dəydiyi qeyd olunub. Bu cinayət işi üzrə həbs olunanlara qarşı özgə əmlakına ziyan vurma, hakimiyyət nümayəndəsinə qarşı zor tətbiqetmə, ictimai asayişin pozulması ittihamları irəli sürülüb. AXCP-nin iki aparıcı üzvü – Məmməd İbrahim və Fuad Qəhrəmanlıya isə bunlardan əlavə, həm də hakimiyyəti zorla ələ keçirməyə cəhd ittihamı verilib. Partiya ittihamların saxta olduğunu, həbs olunan üzvlərindən bir neçəsinin həmin yürüşdə iştirak etmədiyini bəyan edib.(pravda.az)

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

“Qarabağ probleminin 50 faizi artıq həll olunub” - Açıqlama

Döyüşlər Füzulinin işğal edilmiş rayon mərkəzinə aparan yollarda gedir

Arayış almaq üçün qapı-qapı gəzib, manat-manat xərcləməkdən qurtulmaq zamanıdır

Türkiyənin Qarabağ bəyanatları Makronu "çox narahat" edir

Sumqayıtda transformatorun içində meyit tapılıb

“Yaxın günlərdə ermənilər Azərbaycan tərəfinin irəli sürdüyü bütün şərtləri qəbul edəcəklər”

Hərbi cinayətkarlar Koçaryan, Qukasyan və Saakyan Qarabağa gəliblər

Bu gün düşmən ordusuna vurulan zərbələr - İşğalçıya qan uddurulduğunu göstərən videolar

Məhbusların azad edilərək cəbhəyə göndərilməsi təklif edildi

loading...

Ən çox oxunanalar