Xalq artisti Brilliant Dadaşovanın kilsədə şam yandırarkən çəkilən fotoları sənətçinin dinini dəyişməsi haqda xəbərlərin yayılmasına səbəb olub
Müğənni məsələ ilə bağlı media nümayəndələrinə açıqlama ünvanlayıb:
"Hörmətli media nümayəndələri, İsa peyğəmbərə məhəbbəti mənə Müqəddəs “Qurani-kərimi” əzbər bilən rəhmətlik nənəm öyrədib. Mən Allahın bir olduğuna inanıram və hər zaman 7 yanvarda, İsa peyğəmbərin doğum günü kilsəni ziyarət edirəm. Biz multikulturalist ölkəyik və insanları dini mənsubiyyətinə görə heç vaxt bir-birindən fərqləndirməmişik. Mənim üçün müxtəlif mədəniyyətlər hər zaman maraq kəsb edib və fəxr edirəm ki, ölkəmizdə bütün dinlər və mədəniyyətlərə dərin hörmət və ehtiram var. Əgər qastrol səfərlərində müsəlman ölkəsindəyəmsə, məscidlərə, xristian ölkəsindəyəmsə, kilsələrə getmişəm, İsraildə olarkən sinaqoqa da getməyi unutmamışam və hətta Hindistanda olarkən hind dini məbədlərini ziyarət etmişəm. Eləcə də pasxa və milad bayramında kilsələrdə oluram. Kilsə xorla dua etmə mərasimini zövqlə dinləyirəm. Təbii ki, hər zaman öz Qurban və Ramazan bayramlarımızda da məscidləri ziyarət edirəm. Cox təəsüf edirəm ki, bunu siz indi bilmisiniz. Diqqətiniz üçün minnətdaram".
Qeyd edək ki, Bakıda keçirilən Milad bayramında xalq artisti Brilliant Dadaşova da iştirak edib. Müğənni xristianların bayramını Bakıdakı kilsələrin birində onlarla birgə qeyd edib. Digər bayram iştirakçıları kimi də xalq artisti də xaç suyundan istifadə edib, şam yandırıb.(musavat.com)
pia.az
Digərxəbərlər
Populyar xəbərlər
