Bu gün “Gazelli” şirkətinə məxsus anbarların birində baş vermiş yanğın nəticəsində dəymiş maddi ziyanın müəyyən edilməsi ilə bağlı dəqiqləşdirmələr aparılır
Bu barədə Milli.Az-ın soruğusunu cavablandıran "Gazelli Group" MMC-nin İctimaiyyətlə əlaqələr şöbəsinin müdiri Yelena Eyvazlı bildirib.
Onun sözlərinə görə, hazırda məsələ ilə bağlı araşdırma aparılır: "Hələlik heç nə məlum deyil. istintaq başlayıb, araşdırmalar aparılır. Araşdırmaların nəticəsi ictimaiyyətə açıqlanacaq. Hələlik dəymiş ziyanla bağlı dəqiq heç nə deyə bilmərik".
Qeyd edək ki, bu gün Bakıda Xəzər rayonunun Şüvəlan qəsəbəsində yerləşən "Gazelli" kosmetika zavodunun anbarında güclü yanğın baş verib. Yanğın Fövqəladə Hallar Nazirliyinin hadisə yerinə cəlb olunmuş çoxsaylı canlı qüvvə və texnikalarının köməyi ilə söndürülüb. Hadisə nəticəsində xəsarət alan olmasa da, zavoda ciddi maddi ziyan dəyib.
Xatırladaq ki, "Gazelli Group" MMC Azərbaycanda təbii bioloji komponentlər əsasında kosmetik məhsullar istehsal edən yeganə şirkətdir.
pia.az
Digərxəbərlər
Populyar xəbərlər
