Lənkəranda yol-nəqliyyat hadisəsi qeydə alınıb
APA-nın cənub bürosunun məlumatına görə, şəhər ərazisində baş verən hadisə zamanı "Mercedes" markalı avtomobil hərəkətdə olarkən idarəetmədən çıxıb və sürücü maşını aşırıb.
Nəticədə avtomobilin sürücüsü, şəhər sakini, 1978-ci il təvəllüdlü Miri Mirməhəmməd oğlu Miriyev xəsarət alıb. Yaralı dərhal Lənkəran Rayon Mərkəzi Xəstəxanasına gətirilib. Baş nahiyəsindən xəsarətlər alan M. Miriyevə tibbi yardım göstərilib.
Faktla bağlı araşdırma aparılır.
pia.az