Fevralın 9-da 3 saylı Şəhər Klinik Xəstəxanasında keysəriyyə əməliyyatı zamanı dünyasını dəyişən 1986-cı il təvəllüdlü Elnurə Elman qızı Xanəliyevanın diaqnozu müəyyənləşdirilib
2 uşaq anası respirator dispress sindrom, dölün bətndaxili hipoksiyasından ölüb.
Bu barədə virtualaz.org saytına Səhiyyə Nazirliyinin mətbuat xidmətinin əməkdaşı Səfayə Əhmədova məlumat verib.
S.Əhmədovanın sözlərinə görə, E.Xanəliyevadan götürülmüş analizlər Respublika Taun Əleyhinə Stansiyanın labaratoriyasında yoxlanılıb. Analizlərdə “donuz qripi” virusu aşkarlanmayıb.
Qeyd edək ki, sosial şəbəkələrdə qadının “donuz qripi” virusuna yoluxduğu iddia edilirdi.
Xatırladaq ki, mərhum iki uşaq anası imiş. Anası Telnarə Xankişiyeva deyib ki, qızı üçüncü övladının yolunu gözləyərkən qripə yoluxub. Lakin həkimlər xəstəxanada qalmasına ehtiyac görməyiblər. Təkrar evə qayıdan Elnarə Xanəliyevanın vəziyyəti ağırlaşıb, qadın boğulmağa başlayıb.
Nazirlik faktla bağlı araşdırma aparır.
pia.az
Digərxəbərlər
Populyar xəbərlər
