Rusiyanın Ulyanovsk vilayətində qətl törətməkdə şübhəli bilinən Azərbaycan vətəndaşı mühakimə olunacaq
Oxu.Az istintaq materiallarına istinadən xəbər verir ki, hadisə 2014-cü ilin payızında baş verib.
Çörəkxana müdirinin həyat yoldaşı mübahisə zəminində öz ərini öldürtdürmək üçün 39 yaşlı Azərbaycan vətəndaşı ilə razılıq əldə edib. Həmin çörəkxanada çörəkçi işləyən azərbaycanlı 500 min rubl müqabilində qətl sifarişini qəbul edib. O, qadının verdiyi tüfənglə öz müdirini öldürüb.
Ulyanovsk vilayət prokurorluğu xüsusi ağır cinayət törətməkdə şübhəli bilinən regionun iki sakininə qarşı cinayət işi üzrə ittiham qərarını təsdiq edib. İttiham qərarının təsdiq edilməsindən sonra cinayət işi mahiyyəti üzrə baxılması üçün məhkəməyə göndərilib.
Hazırda qadın qətl sifariş etməkdə, Azərbaycan vətəndaşı isə sifarişlə qətl törətməkdə ittiham olunur.
pia.az