İşgüzar yazışmalar üçün “Slack” messenceri növbəti maliyyələşmə mərhələsində 5,1 milyard dollar dəyərində qiymətləndirilib
Lent.az-ın “Financial Times”a istinadən verdiyi xəbərə görə, korporativ çat xidməti bu sahədə ən bahalı startaplardan biri olub.
Son maliyyələşmə zamanı xidmət 250 milyon dollar cəlb edib. İnvestisiyaların böyük hissəsi Yaponiyanın “SoftBank” qrupuna aid “Vision Fund”dan gəlib. Ümumilikdə fəaliyyətdə olduğu dövr ərzində “Slack” 841 milyon dollar cəlb edib ki, bu da onu öz sahəsinin ən bahalı startaplarından birinə çevirib.
Ötən maliyyələşmə raundu zamanı – apreldə “Slack” 3,8 milyard dollar həcmində dəyərləndirilib. Şirkətin icraçı direktoru Stüart Batterfild xidmətin dəyərinin hər il 100% artdığını bildirib. Ötən həftə şirkət 200 milyon dollar illik gəlir əldə etdiyi barədə hesabat verib.
Qeyd edək ki, “Microsoft” özünün “Teams” messencerini istifadəyə verib. Bu messencer “Slack”a rəqib olacaq.
pia.az
Digərxəbərlər
Populyar xəbərlər
