İsrail İranın bu ölkəyə hücumuna "zəruri bildiyi zaman" pilotsuz təyyarələr və raketlərlə cavab verəcək, hakimiyyət müxtəlif üsullar üzərində işləyir...
Poliqon xəbər verir ki, bu barədə "The New York Times" adı açıqlanmayan İsrail rəsmisinə istinadən yazıb.
"İsrail lazım bildiyi zaman cavab verəcək" deyən İsrail rəsmisi dövlətin bunu etmək üçün bir neçə yolu olduğunu vurğulayıb.
Nəşrin mənbələrinin məlumatına görə, cavab tədbirləri variantları arasında İsrail İran ərazisinə birbaşa zərbə endirməyi, həmçinin İran ərazisindən kənarda İslam İnqilabı Keşikçiləri Korpusunun (SEPAH) obyektlərinə hücumu nəzərdən keçirir. "Bundan başqa, kiberhücumlar və sui-qəsdləri də istisna oluna bilməz", deyə qəzet yazıb.
"Eyni zamanda, İsrail ciddi eskalasiyaya başlamadan Tehrana aydın siqnal göndərməyə çalışır", deyə nəşrin mənbələri əlavə edib.
"The New York Times" həmçinin xatırladır ki, İran liderləri İsrailin istənilən zərbəsinə ölkənin qətiyyətlə cavab verəcəyi barədə xəbərdarlıq ediblər.
Aprelin 13-də axşam İran aprelin 1-də İranın Suriyadakı konsulluğunun binasının dağıdılmasına cavab olaraq İsrailə doğru onlarla pilotsuz təyyarə və raketlər atıb. Hücum təxminən beş saat davam edib. İsrail ona atılan raketlərin və pilotsuz təyyarələrin 99%-ni vurduğunu bildirib.
Poliqon.info
Digərxəbərlər
Populyar xəbərlər
