Kreml “Taliban”a pul mükafatı təklif edib? - ABŞ Rusiyanı nədə ittiham edir?

PİA.az xəbər verir ki, bu iddia ABŞ-ın nüfuzlu nəşri “The New York Times” nəşrinin kəşfiyyat mənbələrinə istinadən hazırladığı materialda yer alıb. Qəzet yazır ki, hazırda Vaşınqton bununla bağlı Moskvaya rəsmi cavab hazırlayır.

Məqalə müəllifi qeyd edir ki, ABŞ xüsusi xidmət orqanları ələ keçən “Taliban” qruplaşmasının üzvlərini də sorğulayandan sonra oxşar nəticə əldə olunub. Lakin Rusiya adından taliblərlə danışıq aparan və ödənişin necə edildiyi barədə məlumat verilmir.

Məqalədə baş verənlərin 2019-cu ilə təsadüf etdiyi qeyd edilir. Həmin vaxt Əfqanıstanda ABŞ ordusunun 19 əsgəri öldürülüb. Onlardan konkret hansının mükafata görə öldürüldüyü barədə dəqiq bilgi yoxdur.

Nəşr həmçinin əlavə edib ki, Ağ Ev Rusiyaya sanksiya tətbiq etmək varinatını da nəzərdən keçirir.

Rusiya Prezidentinin mətbuat katibi Dmitri Peskov isə Ağ Evdəki iddialardan xəbərsiz olduğunu bildirib. “Kimsə bu ittihamları irəli sürərsə, cavab verəcəyik”, - deyə o əlavə edib.(Yenisabah.az)

pia.az