Müstəntiqlər Rusiyanın Surqut şəhərində əhaliyə bıçaqla hücum edənin şəxsiyyətini müəyyənləşdiriblər
TASS xəbər verir ki, bu barədə Rusiya İstintaq Komitəsinin rəsmi nümayəndəsi Svetlana Petrenko bildirib.
“Müstənqilər tərəfindən hücum edənin kimliyi müəyyənləşib. İlkin məlumata görə, bu, 1994-cü ildə doğulan yerli kişi sakindir”, - o vurğulayıb.
S.Petrenkonun sözlərinə görə, həmin gənci xarakterizə edən materiallar araşdırılır, onun psixi cəhətdən çatışmazlığı haqqında da informasiya yoxlanılacaq.
Qeyd edək ki, avqustun 19-da Rusiyanın Surqut şəhərində naməlum şəxsun insanlara bıçaqla hücum etməsi nəticəsində 8 nəfər müxtəlif dərəcəli bədən xəsarətləri alıb.
Polisin hücum edən şəxsi zərərsizləşdirdiyi, yaralılardan ikisinin vəziyyətinin ağır olduğu bildirilir.
pia.az