“Yeni Azərbaycan Partiyası may ayının ortalarında bələdiyyə seçkilərinə hazırlığın əsas mərhələsinə başlayacaq”.
PİA.AZ bildirir ki, bu barədə YAP-ın icra katibinin müavini, millət vəkili Siyavuş Novruzov publika.az a açıqlamasında deyib. S. Novruzov bildirib ki, hazırda partiyada işlər normal məcrada davam edir: “Seçkilərə hazırlıq yüksək səviyyədə aparılır. Partiya komissiyaları geniş fəaliyyət göstərirlər, mütəmadi tədbirlər keçirilir. Rayon təşkilatlarının iştirakı ilə də bələdiyyə seçkilərinə hazırlıq işi aparılır. May ayında daha aktiv mərhələyə keçəcəyik”
YAP rəsmisi qeyd edib ki, onlar bələdiyyə seçkilərində namizəd kimi gənclərə və qadınlara üstünlük verəcəklər: “Biz ümumiyyətlə, gənclərə və qadınlara həmişə xüsusi yer ayırmışıq. Çünki gənclər həm partiya, həm də ölkə həyatında çox fəaldır. Onlar bütün seçkilərdə partiyanın ictimai-siyasi həyatında aktiv iştirak edirlər. Gənclərin və qadınların namizəd kimi iştirak etməsində heç bir problem yoxdur”.
Digərxəbərlər
Populyar xəbərlər
