Gürcüstan Daxili İşlər Nazirliyi Kriminal Departament Mərkəzinin əməkdaşları tərəfindən "İqla" zenit-raket kompleksinin Ermənistana daşınması işi üzrə Ermənistan polisinin Cinayət axtarış baş idarəsi tərəfindən axtarışda olan Ermənistan sakini, 1977-ci il təvəllüdlü Robert ələ keçirilib
Virtualaz.org tert.am saytına istinadən bildirir ki, o, Ermənistana “İqla” zenit-raket kompleksini keçirməktə ittiham olunur.
Qeyd edək ki, Ermənistan hakimiyyəti ölkəyə “İqla” zenit-raket kompleksi keçirməyə çalışan 3 nəfər barədə axtarış elan etmişdi. Kompleksin Gürcüstan ərazisindən keçirildiyi güman edilirdi. Gürcüstan DİN məlumatın hələlik dəqiqləşmədiyini, ermənistanlı həmkarları ilə bu sahədə sıx əməkdaşlıq etdiklərini açıqlayıb.
Xatırladaq, Qarabağ separatçılarının sabiq komandanı Samvel Babayan martın 22-də dövlət çevrilişi və prezident Serj Sarkisyanın vertolyotunun məhv edilməsi cəhdi işi çərçivəsində Ermənistan xüsusi xidmət orqanları tərəfindən saxlanılıb, daha sonra isə məhkəmə onun 2 aya qədər həbsi haqda qətnamə çıxarıb.
pia.az