Bugün Azərbaycan Respublikasının prezidenti İlham Əliyevin doğum gününə həsr olunmuş “Mənim Prezidentim” Bilik Müsabiqəsi layihəsinin bağlanış mərasimi keçirilib
Gəncə Şəhər İcra Hakimiyyəti, Azərbaycan-Slavyan Gəncləri Assosiasiyası, Gəncə Şəhər Təhsil İdarəsi, Azərbaycan Texnologiya Universiteti və Turan İnkişaf Mərkəzinin təşkilatçılığı ilə reallaşan layihə çərçivəsində 1500-dən çox orta məktəb şagirdi iştirak edib.
Tədbiri giriş sözü ilə Turan İnkişaf Mərkəzinin direktoru Teymur Əliyev layihə haqqında geniş məlumat verdi: “Bu layihə artıq neçə illərdir ki, Gəncədə reallaşır. Sevindirici haldır ki, bu ilki layihəmizdə 1500 nəfərdən artıq şagird iştirak edib. Bu bir rekorddur. Bu mənada mən Gəncə Şəhər İcra Hakimiyyətinin başçısı cənab Elmar Vəliyevə göstərilən bütün diqqət və dəstəyə görə öz təşəkkürümü bildirirəm.”
Sonra Gəncə Şəhər İcra Hakimiyyətinin mətbuat katibi Kənan Məmmədov çıxış edərək şagirdləri təbrik etdi. Gəncədə həyata keçirilən irimiqyaslı layihələrdən danışan K.Məmmədov qarşıda duran vəzifələrdən və nəzərdə tutulan layihələrdən danışdı.
Azərbaycan Texnologiya Universiteti prorektoru Rövşən Əliyev isə çıxışında şagirdlərin intellektual inkişafı baxımından bu tədbirin əhəmiyyətini xüsusi olaraq vurğuladı.
Daha sonra Azərbaycan-Slavyan Gəncləri Assosiasiyasının sədri Səbuhi Abbasov çıxış edərək təmsil etiyi qurum haqqında danışdı: “Bugün biz Cənab Prezidentin doğum gününə həsr olunmuş layihənin, bilik müsabiqəsinin qaliblərini təbrik edəcəyik. Bu çox qürurverici bir məqamdır. Digər bir mühüm məqam ondan ibarətdir ki, 1500-dən artıq şagird arasında keçirilən bilik müsabiqəsi paytaxtda deyil, regionda keçirilir. Ən vacib məsələ isə layihənin təşkilatçıları arasında Rayon Icra Hakimiyyətinin və Gəncədə fəaliyyət göstərən hökümət və qeyri-hökümət təşkilatlarının olmasıdır. Bu mənada mən Gəncə Şəhər İcra Hakimiyyətinin Başçısı Cənab Elmar Vəliyevə Vətəndaş Cəmiyyətinə göstərdiyi diqqətdən dolayı təşəkkür edirəm. Hesab edirəm ki, Gəncənin sosial-iqtisadi inkişaf praktikası digər regionlarımız üçün model rolunu oynamaqdadır.”
Tədbirdə Azərbaycan-Slavyan Gəncləri Assosiasiyası Rusiya Nümayəndəliyinin sədri Torul Allahverdili, Ukrayna Nümayəndəliyinin sədri Xəzri Elxanoğlu və Polşa Nümayəndəliyinin sədri Anar Məmmədov adından təbrik müraciətləri səsləndirildi.
Sonda müsabiqədə qalib gələn yüzə yaxın şagirdə fəxri fərmanlar və qiymətli hədiyyələr verildi.
pia.az
Digərxəbərlər
Populyar xəbərlər
