Ermənistanın keçmiş xarici işlər naziri, fövqəladə və səlahiyyətli səfir Arman Melikyan deyib ki, Qarabağ danışıqlarında Ermənistanın mövqeyi gün keçdikcə zəifləyir
Avropa.info xəbər verir ki, onun dediyinə görə, Dağlıq Qarabağın statusu havadadır və belə də davam edir. Əgər əvvəllər status qarşılığında ərazilərin verilməsi ətrafında danışıqlar gedirdisə, indi vəziyyətin yaxşılaşması qarşılığında ərazilərin verilməsindən danışılır.
“Bu vaxtadək danışıqlarda belə bir fikrə əsaslanırdıq ki, torpaqları qaytarsaq, Dağlıq Qarabağım öz müqəddəratını təmin etməsi statusu ala bilərik. Torpaqları itirəcəyik və bizi heç kəs tanımayacaq” – Arman Melikyan belə deyib.
Onun sözlərinə görə, danışıqlar paketi bütünlüklə torpaqların qaytarılmasını əhatə edir. Danışıqlara vasitəçilik edən həmsədrlərin hamısı Madrid prinsipləri ilə razıdırlar və Ermənistanın torpaqları qaytarması məsələsində həmrəydirlər. Lakin bununla yanaşı, torpaqların hansı yolla qaytarılmasını bilmirlər.
“Regionda kifayət qədər əlaqələri və təsir rıçaqları olan yeganə ölkə Rusiyadır. Torpaqların qaytarılması məsələsi Rusiya tərəfindən təşkil olunarsa, ABŞ bu məsələyə qarımamalıdır. Əks halda, Rusiyanın Ermənistanda təsiri azalacaq. Onlar Ermənistanı əldən vermədən səbrlə gözləyə bilərlər. Ola bilsin ki, aprel müharibəsi bu istiqamətdə hazırlıq idi. Rusiya tərəfinin torpaqları güzəştə getməsi çox ciddidir və bunun nəticələri barədə düşünmək lazımdır” – o, belə deyib.
pia.az