«Gənclər arasında sosial işin təşkilinin təbliği» layihəsi “Azərbaycan Gənclər İttifaqı” İctimai Birliyi tərəfindən bu ilin mart ayından Azərbaycan Respublikası Gənclər və İdman Nazirliyi tərəfindən dəstəklənərək həyata keçirilməyə başlayıb
Layihənin məqsədi Bakı şəhəri və Abşeron rayonu Xırdalan şəhərinin gəncləri arasında sosial işin təşkilinin təbliğinə və bu sahədə geniş biliklərin verilməsinə nail olmaqdır. Layihə çərçivəsində yeniyetmə və gənclər arasında sosial işin təşkilinin təbliği barədə geniş məlumatların verilməsi, həmin məlumatların icmalarda yayılması üçün ilə fəal gənclər qruplarının formalaşması, bu qruplarının müxtəlif təbliğat fəaliyyətlərini təşkil etməsi nəzərdə tutulub.
Layihə çərçivəsində “Sosial işin təşkilinin əsas meyarları”, “Sosial işin üstünlükləri”, “Sosial işçilər kimlərdir, onların vəzifə və məsuliyyətləri”, “Sosial işçinin etik qaydaları”, “Sosial əlaqələrin qurulması” kimi mözvular tədris ediləcək. Layihəni icrası zamanı təlimlərdə iştirak etmiş gənclərin yerlərdəki müfaviq təşkilat və qurumlara səfərləri təşkil ediləcək. Bu tip səfərlərin məqsədi təşkilat və qurumlarda sosial iş ilə tanış olmaq, sosial işçilərin gündəlik işinə baxmaq, bu haqda məlumatın tətbiq edilməsini müşahidə etmək, sosial iş haqqında digər vacib məlumatı toplamaqdı.
Seçilən fəal gənclər üçün təlimlərdən sonra praktiki fəaliyyət həyata keçiriləcək. Onlar yaşadıqları şəhərlərdə yerli icmalara səfərlər edərək əhali arasında sosial iş və sosial işçinin vacibliyi barədə ətraflı məlumatın yayılmasını yerinə yetirəcək. Bu yol ilə əldə etdikləri bilikləri geniş auditoriya arasında təbliğ etmək imkanı əldə olunacaq.
Layihə bu ilin iyun ayında başa çatacaq.
pia.az