Katolik dünyasının mərkəzi olan Vatikanda daha bir korrupsiya qalmaqalı başlayıb.
Yenicag.az Odatv.com-a istinadən xəbər verir ki, Vatikan tarixində ilk dəfə olaraq, bir kardinalın da cəlb edildiyi tarixi korrupsiya ittihamı əsasında məhkəmə prosesi başlayıb.
Ümumilikdə 10 nəfərin cəlb edildiyi məhkəmədə korrupsiya sayəsində “əridilən” 350 milyon avronun kimlər tərəfindən və necə mənimsənildiyi araşdırılacaq. Maraqlıdır ki, İtaliya mediası bu məhkəmə prosesini “Vatikanın “Təmiz əlləri”” adlandırıb.
Məlumata görə, korrupsiya qalmaqalının mərkəzində 2013-cü ildə Vatikan Dövlət Katibliyi vasitəsilə həyata keçirilən satınalma əməliyyatı dayanır. Müttəhimlər Londonda lüks bir binanın satın alınması və oranın restavrasiyası zamanı külli miqdarda yeyintiyə yol verərək, səlahiyyətlərindən sui-istifadədə suçlanırlar.
Qeyd olunur ki, bu 350 milyonluq əməliyyat Vatikanı 73-166 milyon avro zərərə salıb. Həmin pulların böyük hissəsini isə dünya kotoliklərindən qəbul olunan ianələr təşkil edib.
Müttəhimlər arasındakı əsas vəzifəli fiqur isə Vatikanda yüksək postlar tutmuş kardinal Anjelo Beççiudur. 73 yaşlı Beççiu 2011-2018-ci illər arasında Vatikanın dövlət katibinin vəkili vəzifəsini tutub. O, 2018-ci ildən etibarən, “müqəddəs”lik adı verən quruma rəhbərlik edirdi.
Korrupsiya qalmaqalı yaranandan sonra Roma Papası Fransisk onu vəzifəsindən çıxararaq, kardinal titulundan məhrum edib. Beççiu Vatikan tarixində maliyyə pozuntularına görə məhkəməyə çıxarılan ilk kardinaldır.
Məhkəmədə Beççiudan başqa Vatikanın Çirkli Pulların Yuyulmasına qarşı Mübarizə İdarəsinin keçmiş rəisləri Rene Brülhart və Tommaso Di Ruzza, Vatikanın investisiya məsələləri üzrə sabiq məsul şəxsi Enriko Krasso da müttəhimlər kürsüsündə yer alacaqlar.
pia.az
Digərxəbərlər
Populyar xəbərlər
