Putin: Rusiya NATO ilə döyüşmək fikrində deyil, bu cəfəngiyyatdır

Poliqon xəbər verir ki, bu barədə "RİA Novosti" məlumat yayıb.

Dövlət başçısı Torjoka işgüzar səfəri zamanı hərbi pilotlarla söhbət edib.

"2022-ci ildə ABŞ-ın hərbi xərcləri 811 milyard dollar, Rusiyanın isə 72 milyard dollar olub. Biz bu nisbətlə NATO ilə mübarizə aparacağıqmı? Bu, sadəcə cəfəngiyyatdır", deyə Putin bildirib.

O qeyd edib ki, Rusiya NATO ilə "yaxınlaşmağa" çalışmır.

"Bəlkə biz NATO-nun üzvü olan ölkələrin sərhədlərinə doğru hərəkət edirdik? Biz heç kimə toxunmadıq - onlar bizə doğru hərəkət edirdilər. Biz bəlkə də okeanın o tayına, ABŞ sərhədlərinə keçdik? Xeyr? Onlar bizə yaxınlaşdılar. Bəs biz? Biz nə edirik? Biz sadəcə olaraq öz tarixi ərazilərimizdə xalqımızı qoruyuruq", deyə prezident vurğulayıb.

Poliqon.info