Azərbaycanlı müğənnilərə sərt sözlər
Ukraynada yaşayan həmyerlimiz Vaqif Nağıyev bayağı mahnı müəlliflərini toyuq hinində oxumağa dəvət edib.
Publika.az xəbər verir ki, “Qolos Ukraina” musiqi yarışmasından sonra məşhurlaşan sənətçi sosial şəbəkədə video paylaşaraq bayağı müğənnilərin ünvanına kəskin iradlar bildirib. O, xüsusilə müğənni Afət Fərmanqızının İmadəddin Nəsiminin "Məndə sığar iki cahan, mən bu cahana sığmazam" qəzəlini hind mahnıları tərzində səsləndirməsini biabırçılıq adlandırıb:
“Bilmirəm ki, nə edim və kimə müraciət edim. Televiziyaya müraciət etməyin mənası yoxdur, çünki efirlərin qazancı elə bu “debillər”dəndir. Mədəniyyət Nazirliyinə müraciət edirəm. Xahiş edirəm, bu ifaçılara bayağı mahnıları oxumağa qadağan edin. Qoyun toyuq hinlərində oxusunlar, amma efirə buraxmayın. Böyüyən uşaqlar bunu görür, növbəti nəsil də onlar kimi olacaq. Buna bir son vermək lazımdır”.
pia.az
Digərxəbərlər
Populyar xəbərlər
