Erməni patriarx xarici ölkələri 1915-ci il hadisələrini siyasi alətə çevirməməyə çağırıb

"Bəzi ölkələrdə xalqımızın acısını və əcdadlarımızın müqəddəs xatirəsinin gündəlik siyasi məqsədlər üçün alətə çevrilməsini görmək bizi üzür".

PİA.az xəbər verir ki, bunu Türkiyə ermənilərinin patriarxı Sahak Maşalyan deyib.

1915-ci il hadisələri ilə bağlı açıqlama yayan din xadimi bildirib ki, türklər və ermənilər arasında sülh, dostluq və qardaşlığı müdafiə etməkdə davam edəcəklər: "Bizdən əvvəlki mərhum patriarxlarımız da belə ediblər. 106 il əvvəl baş vermiş hadisələri min illik ortaq tarixin acı bir istisnası kimi görüb, münasibətlərimizi qonşuluq və mənfəət üzərində yenidən qurulmasını təşviq edəcəyik.

Türkiyə və Ermənistan qonşu dövlətlərdir. İnanıram ki, tanrının köməyi ilə türk-erməni münasibətlərində qardaşlıq və qarşılıqlı hörmətə əsaslanan əlaqələr daha güclü şəkildə təmin olunacaq. Türkiyə və Ermənistanın rəsmi qurumları arasında əlaqələrin qurulmasını ümidlə gözləyirik".(Report)

pia.az