Sevgilisi ilə birləşib ərini parçalayan tibb bacısı vəkilindən imtina edib

Ərini sevgilisi ilə birlikdə öldürüb, parçalara ayıran və izi itirmək üçün basdıran qadın növbəti dəfə hakim qarşısına çıxarılıb

PİA.AZ Musavat.com-a istinadən xəbər verir ki, Bakı Ağır Cinayətlər Məhkəməsində həyat yoldaşını öldürməkdə təqsirləndirilən Lalə Mahmudova və tanışı Sədi Məmmədovun cinayət işi üzrə keçirilməli olan məhkəmə prosesi təxirə salınıb.

Buna səbəb təqdirləndirilən Lalə Məmmədovanın vəkili Nüşabə Ağayevadan imtina etməsi olub. Təqdirləndirilən şəxsin vəkili olmadığından proses təxirə salınıb.

Məhkəmə oktyabrın 28-nə təxirə salınıb.

Qeyd edək ki, qətli törədən S.Məmmədov və L.Mahmudovanın hər birinin himayasində iki uşaq var.

Cinayət işində zərəərçəkmişin hüquqi varisi kimi qardaşı Elçin Zahidov tanınıb.

Qeyd edək ki, qətl hadisəsi ötən il sentyabrın 26-da Yasamal rayonunda baş verib.

Paytaxt sakini L.Mahmudova Yasamal Rayon Polis İdarəsinin 27-ci polis bölməsinə müraciət edərək həyat yoldaşı 39 yaşlı Kamran Mahmudovun itkin düşməsi barədə məlumat verib. Hadisədən 5 gün sonra K.Mahmudovun öldürüldüyü müəyyən edilib.

Cinayətin mərhumun həyat yoldaşı L.Mahmudova və onun tanışı S.Məmmədov tərəfindən törədildiyini aşkara çıxarılıb. Hər 2 şəxs saxlanılaraq ifadələri alınıb. İstintaq araşdırmaları zamanı məlum olub ki, sentyabrın 26-da gecə saatlarında S.Məmmədov L.Mahmudovanın yaşadığı evə gəlib. Bu zaman mərhum Kamran Mahmudov və evdəki azyaşlı uşaqlar yatırmış.

L.Mahmudova ilə əvvəlcədən plan quran S.Məmmədov özü ilə gətirdiyi tapança ilə yatmış K.Mahmudovun baş nahiyyəsindən 3 dəfə atəş açaraq onu qətlə yetirib. Onlar izi itirmək məqsədilə meyidi hissələrə bölərək bağlamalara yığıblar. Sonra həmin bağlamalarla S.Məmmədov Bakıdan İsmayıllı rayonuna yola düşüb. O, meyidi İsmayıllı rayonunda meşədə basdıraraq Bakıya qayıdıb.

Xatırladaq ki, ki, L. Mahmudova Bakıdakı xəstəxanalardan birində tibb bacısı işləyib, əri isə bizneslə məşğul olub.

pia.az