“Germanwings” təyyarəsinin qara qutusundan çıxan səs qeydinin xronikasını dəqiqəbədəqiqə oxuyuram və göyərtədə baş verənləri aydın təsəvvür edirəm
Bu sözləri ermənilərin 20 noyabr 1991-ci ildə vurduqları vertolyotda həyatını itirənlərdən biri – jurnalist Osman Mirzəyevin qızı Sevinc Osmanqızı Feysbuk sosial şəbəkəsindəki profilindən paylaşıb.
S.Osmanqızı sözügedən vertolyotun qara qutusunun indiyə qədər gizli saxlanılmasına görə ittiham yağdırıb:
“Atamın həlak olduğu Mİ-8 vertolyotunun qara qutusu ilə bağlı Tamerlan Qarayevlə olan söhbəti xatırlayıram: “Axı qara qutu sizin nəyinizə gərəkdir? O sizə hansı informasiyanı verəcəkdi ki? O, onsuz da texniki bir şeydir, ondan heç nə öyrənmək mümkün deyil”.
Mİ-8 vertolyotunun salamat qalan qara qutusunu Rusiyaya gedər-gəlməzə göndərən parlament istintaq komissiyasının rəhbəri indi getsin xronikanı oxusun. Nə məqsədlə göndərirdi - bir özü, bir də havadarları bilir”. (axar.az)
pia.az