Azərbaycan Parlamentinin sədri Oqtay Əsədov Litvanın ölkəmizdə yeni təyin olunmuş səfiri Valdas Lastauskası qəbul edib
PİA.AZ yerli mətbuata istinadən bildirir ki, qonağı ölkəmizdə diplomatik fəaliyyətə başlaması münasibətilə təbrik edərək, ona gələcək işlərində uğurlar arzulayıb:
“Dövlət başçılarının qarşılıqlı səfərləri zamanı aparılan danışıqlar, ölkələrimiz arasında imzalanmış sənədlər münasibətlərimizin gələcək inkişafı üçün yaxşı zəmin yaradıb”.
Söhbətdə spiker yüksək səviyyəli siyasi münasibətlərin iqtisadi əlaqələrin inkişafı üçün də münbit zəmin yaratdığını söyləyib. Qeyd edilib ki, energetika, turizm, mədəniyyət sahələrində əməkdaşlığın genişləndirilməsi üçün potensial imkanlar mövcuddur.
Söhbətdə tərəfləri maraqlandıran məsələlər ətrafında fikir mübadiləsi aparılıb.