Elmira Şükürovanın şagird «ölü canları»

5 saylı köçkün tam orta məktəbi tam olaraq sənədlər üzərində fəaliyyət gösətrir; orda «işləyən» müəllimlərin və «təhsil alan» şagirdlərin isə bundan xəbəri yoxdur…

Elmira Şükürovaının inspektor qaynı attestat üçün 11-ci sinif şagirdlərindən 50 manat, şəhadətnamə üçünsə 9-cu sinif şagirdlərindən 30 manat pul yığıb.

Ağdam rayon Təhsil Şöbəsinin müdiri Elmira Şükürova Ağdam təhsilini özəl sektora çevirib. Ağdam təhsilinin xanım patronu rayonun bütün təhsil sistemini qaynı, Ağdam rayon Təhsil Şöbəsinin inspektoru Bayram Məmmədovun ixtiyarına verib. Bayram Məmmədov isə öz növbəsində Ağdam təhsilini açıq bazara çevirib.

Qeyd edək ki, davamlı olaraq mətbuatda Ağdam rayon Təhsil Şöbəsində Elmira Şükürovanın çox milyonlu korrupsiya əməlləri ilə bağlı məlumat məlumatlar dərc olunur. Son olaraq PİA.AZ-a Ağdamdan daxil olan məlumatda bildirilir ki, Dövlət Qulluğu haqqında qanuna zidd olaraq Elmira Şükürova yaxın qohumu Bayram Məmmədovu uzun müddətdir ki, təhsil şöbəsində inspektr vəzifəsində çalışdırır. Hətta çalışdırmaq azdır, xanım müdirə Ağdam təhsilini bütünlüklə qaynının ixtiyraına buraxıb.

Məlumata əsasən təhsil şöbəsində əsas iş icraçısı olan Bayram Məmmədovun həyat yoldaşı Ətayə Məmmədova 5 saylı köçkün tam orta məktəbin direktorudur. 5 saylı köçkün tam orta məktəbi isə Bərdə rayonunda Şirvanlı kəndində fəaliyyət göstərir. Bildirilir ki, əslində məktəb sənəd üzərində fəaliyyət göstərir. Çünki 2013-cü ildən həmin ərazidə məskunlaşmış ailələr Bərdə rayonun salınmış köçkün qəsəbələrinə köçürülüblər.

Məktəbin şagirdləri 1 saylı köçkün məktəbində təhsil aldıqları halda 5 saylı məktəb şirvanlı kəndində sənəd üzərində fəaliyyət göstərir. Bayram Məmmədov həmin məktəbin siniflərini Xındırıstan kənd tam orta məktəbin şagirdləri hesabına formalaşdırıb. Belə ki, Xındırıstan kəndində yaşayan və həmin kənddə ayrı-ayrı siniflərdə təhsil alan şagirdlərin adı eyni zamanda 5 saylı köçkün tam orta məktəbində gedir. Bildirilir ki, Təhsil Nazirliyi istərsə, bu özbanılığı və büdcə talançılığını istənilən zaman aşkar edib ortaya qoya bilər.

Məlumata əsasən Bayram Məmmədovun 5 saylı məktəbi şəxsi mülkü hesab edir və hər ay həmin məktəbdən 8 min manat gəlir əldə edir. Adları həmin təhsil müəssisəsində müəllim olaraq gedən müəllimlərin isə 5 saylı məktəbdə işləmələri barədə heç bir məlumatları yoxdur. Bildirilir ki, həmin müəllimlərdən bəziləri Gəncə şəhərində avtomobil zavodunda, bəziləri isə Bakı şəhərində ayrı-ayrı müəssisələrdə çalışırlar.

Bundan başqa PİA.AZ-a daxil olan məlumatda göstərilir ki, Bayram Məmmədovun maxinasiyaları bununla bitmir. 18 iyun 2014-cü il tarixdə keçiriləcək imtahanlarda iştirak edəcək hər bir şagird üçün Bayram Məmmədov hesab qoyub. Belə ki, Elmira Şükürovanın qaynı şəxsən məktəb direktorlarına tapşırıb ki, IX sinif şagirdləri şəhadətnamələr üçün 30 manat, XI sinif şagirdləri isə attestat üçün 50 manat pul ödəməlidirlər. Qeyd edək ki, sabah keçiriləcək imtahanların pulu artıq qabaqcadan yığılıb və iddiaya əsasən artıq Bayram Məmmədova çatdırılb.

Qarşı tərəfin mövqeyini dərc etməyə hazırıq…

pia.az