Toyla bağlı məbləğ bank hesabına köçürülsün...
“15 mart tarixindən etibarən ölkədə toy məclislərinin keçirilməsinə 1 ay müddətində rəsmən qadağa qoyuldu. Təklif edirəm toylarla bağlı yeni qaydalar (müvəqqəti və ya daimi) haqqında düşünək. Restoranlara getmədən də toy sahiblərinə maddi dəstək ola bilərik. Belə ki, toya dəvət olunan hər kəs toy üçün nəzərdə tutduğu məbləği toy edən şəxsin bank hesabına və ya ünvanına göndərsin”.
PİA.az-ın xəbərinə görə, bu təkliflə politoloq Nəsimi Məmmədli çıxış edib.
“Həm gənc ailəyə çox yaxşı maddi dəstək vermiş olarıq, həm də virusa yoluxma təhlükəsi azalar. Eyni zamanda qonaqların maddi dəstəyi isə şadlıq evlərinə deyil, məhz toy edən şəxslərin özlərinə qalar. Gələcəkdə gənc cütlüklər və onların ailələri yemək-içmək olmadan, az vəsaitlə müəyyən bir şənlik təşkil edə bilər. Əksəriyyət insanlar toy məclislərində maddi baxımdan itirir, şadlıq evləri isə külli miqdarda qazanır. Toy edən şəxslərə bu barədə təklif etmək lazımdır. Koronovirus yeni toy qaydaları üçün bir fürsətdir” – N.Məmmədli qeyd edib. (Pravda.az)
pia.az