Aprelin 21-də Çexiyada 5 nəfər ölkə vətəndaşı həbs olunub. Onlar "Donbass Xalq Respublikası"nda (DXR) və "Luqansk Xalq Respublikası"nda (LXR) döyüşüblər və bu qondarma qurumlara kömək ediblər.
Çexlərin Donbasa «cəlb edilməsi» üzrə şəbəkənin təşkilində rəsmi Praqa bu ərəfədə ölkədən deportasiya edilmiş rusiyalı diplomatları günahlandırır.
"DXR" və "LXR" potensial tərəfdarlarının axtarışı və həbsi çərşənbə günü axşam başlanıb və gecə yarısına qədər davam edib. Xüsusi əməliyyat Çexiya Respublikasının bütün ərazisində həyata keçirilib.
«Polis saxlanılanları onda günahlandırır ki, onlar döyüşmək üçün Ukraynaya gediblər və rusiyayönlü separatçıların tərəfində vuruşublar və ya belə səfərləri təşkil ediblər. Həm də mümkündür ki, onlar deportasiya olunmuş rusiyalı diplomatlarla - faktiki olaraq, Rusiya Müdafiə Nazirliyi Baş Kəşfiyyat İdarəsinin əməkdaşları ilə təmasda olublar» - Çexiyanın «Respekt» nəşri Praqa Ali Prokurorluğundan sitat gətirir.
«İstintaq hərəkətləri Rusiya-Ukrayna sərhədində vəziyyətin kəskinləşdiyi dövrdə aparlır. Ora Rusiya ordusu girib və NATO Moskvanın hücumundan ehtiyat edir. Bundan əvvəl Rusiya belə niyyəti olduğunu inkar edib» - «Respekt» yazır.
2020-ci ilin dekabrında Çexiya vətəndaşı terrorçuluğa və muzdlu fəaliyyətə görə 15 il həbs cəzası alıb və etiraf edib ki, 2014-cü ilin mayında döyüşmək üçün "DXR"-a gedib və «xalq respublikası»nın mükafatını alıb. Ötən ilin sonunda dəstə təşkilində iştirakına görə "DXR" üsyançısı Pavel Kafka - çex mənşəli rusofil, Çeske Budeevitse şəhərinin sakini 3 il həbs cəzası alıb.
2020-ci ildə "DXR" və "LXR" «vətənpərvəri», Çexiya ordusundan tərxis olunmuş Erik Eştu cəzalandırılıb. O, əvvəlcə terrorçuluqda günahlandırılıb, amma son nəticədə məhkəmə onu yalnız xarici silahlı qüvvələrdə icazəsiz xidmət göstərməkdə günahlandırıb və şərti cəza kəsib. Rəsmi Praqa "DXR" və "LXR" ordularını qeyri-qanuni separatçı qruplar hesab edir. Eştunun ittihamnaməsində göstərilən «xarici silahlı qüvvələr» söz birləşməsi isə evfemizmdir və böyük nisbətdə, Rusiya ordusu deməkdir.
Çexiyanın hakim dairələri hesab edirlər ki, Ukrayna silahlı qüvvələrinə qarşı Donbasda Rusiyanın nizami ordusu vuruşur.(AzPolitika.info)
pia.az
Digərxəbərlər
Populyar xəbərlər
