"Avro 2020": Azərbaycan Xorvatiya ilə oyunda ilk xalını qazandı

Matçın 11-ci dəqiqəsində yığmamızın qapısına təyin olunmuş 11 metrlik cərimə zərbəsini Luka Modriç dəqiq yerinə yetirib. Oyunun 72-ci dəqiqəsində millimizin üzvü Təmkin Xəlilzadə baxımlı qola imza ataraq hesaba tarazlıq gətirib. Komandaların səylərinə baxmayaraq oyunun sonundək hesab dəyişməyib -1:1. Beləliklə, komandamız Avropa çempionatının seçmə mərhələsində ilk xalını qazanıb.

Xatırladaq ki, bu komandalar arasında Xorvatiyada keçirilən görüş meydan sahiblərinin 2:1 hesablı qələbəsi ilə başa çatmışdı.

* * *21:38

Matçın 72-ci dəqiqəsində Təmkin Xəlilzadə xorvatların müdafiə xəttini yararaq hesabı bərabərləşdirdi: 1-1.

* * *20:22

Matçda hesab açıldı.

Xorvatiya 10-cu dəqiqəsində Modriçin penaltidən vurduğu qolla hesabda irəli çıxdı: 0-1.

**20:02

Azərbaycan-Xorvatiya matçı başlayıb.

Hələlik hesab açılmayıb.

**19:38

Bu gün futbol üzrə Avropa çempionatının seçmə mərhələsi çərçivəsində "Bakcell Arena"da keçiriləcək Azərbaycan-Xorvatiya oyunu üçün komandaların start heyətləri açıqlanıb.

Millimizin start heyətində Emil Balayev, Qara Qarayev, Şəhriyar Rəhimov, Maksim Medvedev, Bəhlul Mustafazadə, Mahir Emreli, Ramil Şeydayev, Dmitri Nazarov, Anton Krivotsyuk, Pavel Paşayev və Cavid Hüseynov yer alacaqlar.

Xorvatiya yığmasının ilk on birliyində isə meydana Dominik Livakoviç, Borna Barişiç, İvan Perişiç, Deyan Lovren, Luka Modriç, Marselo Brozoviç, Nikola Vlasiç, Ante Rebiç, Bruno Petkoviç, Domaqoy Vida və Karlo Bartolets çıxacaqlar.

pia.az