İspan jurnalist Xose Nunesin Yunanıstanla bağlı yazdığı xatirələir dünyada gündəm olub...
PİA.az xəbər verir ki, Yinanıstan ispan jurnalist Xose Nunezin yazdığı kitabla çalxalanır.
2016-cı ildə Yunanıstanın Yanina şəhərindən 6 kilometr kənarda yerləşən Katsikasdakı qaçqın düşərgəsində 40 gün qalan jurnalist, yaşadıqları haqda kitabı “Avropalı olmaqdan utanıram” sözləri ilə yekunlaşdırıb
Suriya, Əfqanıstan və İraqdan gələn yüzlərlə mühacir ailəsinin yaşadığı və yunan ordusunun idarə etdiyi düşərgədəki həyatdan bəhs edən Nunez, “Düşərgədəki həyatı necə təsvir edərdiniz' sualına belə cavab verib:
“Məncə, bunu ən yaxşı ifadə edən söz “çarəsizlik”dir. Təbii ki, bu söz də çətin, ədalətsiz və gündəlik məhrumuyyətlərlə dolu düşərgə həyatını tam ifadə eləmir. Amma şəxsən deyə bilərəm ki, mənim orda ən çox hiss etdiyim duyğu çarəsizlik idi”.
Euronews-da yer alan xəbərə görə, Yunanıstandakı düşərgəyə ilk getdiyi zaman gözlərinə inanmadığını bildirən ispan jurnalist, “Düşərgədə daşınan evlər, və ya buna bənzər bir şey yox idi, yalnız suya davamlı olmayan çadırlar var idi. Ona görə də yağış yağanda tam bir fəlakət olurdu”.
Düşərgədə çoxlu könüllünün də olduğunu bildirən Nunez “kimlərdənsə asılı olmayan könüllülər olmasaydı, o insanların taleyi necə olardı, bilmirəm. Təbii ki, vəziyyət bir qədər sonra yaxşılaşdı, amma o vaxtlar biz avropalı olduğumuza görə utanırdıq”.
Qeyd edək ki, “Şukran my friends” (Teşekkürler dostlarım) adlı kitab İspaniyanın ən nüfuzlu ədəbi mükafatlarından biri olan Círculo Rojo Mükafatına namizəd olub.
pia.az