Çərşənbə axşamı, 28 İyun 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Yüksək vəzifəli şəxsdən kürəkənini həbsdən buraxmaq üçün 100 min alıblar

Bakıda çoxsaylı dələduzluq əməlləri törətmiş şəxslər məhkəmə qarşısına çıxarılıb.

Qafqazinfo”nun əldə etdiyi məlumata görə, 1988-ci il təvəllüdlü Kərim Əliyev və 1981-ci il təvəllüdlü Şamil Piriyev (soyadlar şərtidir) Bakı Ağır Cinayətlər Məhkəməsində Cinayət Məcəlləsinin 178.3.2-ci (dələduzluq - külli miqdarda ziyan vurmaqla törədildikdə) və 32.4,312.2-ci (rüşvət vermədə iştirak) maddələri ilə təqsirləndiriliblər. Hakim Səbuhi Hüseynovun sədrliyi ilə keçirilən məhkəmə prosesində onların bir neçə şəxsə qarşı dələduzluq etmələri, müxtəlif vədlərlə aldadaraq külli miqdarda pul almaları müəyyən edilib.

Məlum olub ki, Kərim özünü Müdafiə Nazirliyinin zabiti kimi təqdim edib, müxtəlif dövlət qurumlarında rəhbər vəzifələrdə çalışan şəxslərlə yaxın münasibətlərinin olduğunu bildirərək insanların etibarını qazanıb.

“Rent a car”dan bahalı avtomobillər icarəyə götürərək görüşlərə gedən Kərim ona müraciət edilən problemləri yüksək nüfuza malik “Seyid” ləqəbli şəxsin köməkliyi ilə həll etdiyini qeyd edib. Bu yolla o,

- xidməti vəzifələrinin icrası ilə əlaqədar yol verdiyi nöqsanlara görə Xüsusi Dövlət Mühafizə Xidmətinin Milli Qvardiyasından xidmətdən xaric edilmiş giziri həmin işə bərpa edəcəyini bildirərək 11 min manat

- Övladının həqiqi hərbi xidmətini Milli Qvardiyanın hərbi hissələrinin birində keçməsini istəyən şəxsdən 10 min manat

- Müdafiə Nazirliyinin Maddi Texniki Təminat Baş idarəsinə zabit kimi işə qəbul olunmaq istəyən şəxsdən 15700 manat

- Dövlət qurumlarından birində yüksək vəzifə tutan Arif Novruzovun bir müddət əvvəl həbs edilmiş kürəkəni Azər Əsgərovun azadlığa buraxılması adı ilə isə ondan 100 min manat alıb.

Məhkəmədə bildirilib ki, Kərim Əliyev aldığı pulların bir hissəsini geri qaytarıb.

Həmçinin qeyd edilib ki, 6 sentyabr 2021-ci il tarixində Kərim Arif Novruzovdan külli miqdarda pul alarkən dostu Şamilin köməkliyindən istifadə edib. Belə ki, onlar Arif Novruzovu inandırmaq üçün pulları ondan polis idarəsinin qarşısında alaraq binaya daxil olublar. Daha sonra aldadıldığını anlayan Arif Novruzov hüquq-mühafizə orqanlarına müraciət edib.

O da məlum olub ki, A.Novruzovun kürəkəni tekstil ticarəti ilə məşğul olub və türkiyəli iş adamları ilə 2 milyonluq pul məsələsinə görə tutulub. Bundan sonra A.Novruzov kürəkənini azadlığa çıxarmaq üçün müxtəlif vasitələrə əl atıb və dələduzluqla üzləşib.

Qeyd edək ki, Arif Novruzov hadisədən sonra vəzifəsindən azad edilib.

Bakı Ağır Cinayətlər Məhkəməsinin hökmü ilə Kərim və Şamil qeyd edilən maddələrlə təqsirli bilinərək müvafiq olaraq 8 il 6 ay və 8 il müddətinə azadlıqdan məhrum ediliblər.

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

İntihara cəhd edən direktorun məktəb macərası: Dubayda olan müəllim Gəncədə necə dərs deyir?

Hafiz Hacıyev: "Gülər xanım idarə heyətinin tapşırıqlarını yerinə yetirsin, gedib rusları müdafiə edir"

Azərbaycanda növbəti komando hərbi hissələri açılacaq

Putin Ukraynadakı müharibəni idarə etməyi başqa generala tapşırdı 

Prezident “Kəlbəcər-1” kiçik SES-in açılışında iştirak edib - Yenilənib

Prezident İslam Əməkdaşlıq Təşkilatının Baş katibini qəbul edib - Yenilənib

Ukrayna ordusu Donbasda uğur qazandı: Rusiya hərbçiləri geri çəkildi

İlham Əliyev Laçında “Həkəriçay” su anbarı layihəsi ilə tanış olub

İlham Əliyev: “Azərbaycanın 9 şəhəri və yüzlərlə kəndi yer üzündən silinib”

Azərbaycanda ilk: Hava yastığı üzərində hərəkət edən yükdaşıyan barj tikildi - Video

Dövlət başçısı Kəlbəcərdə İstisu sanatoriyasının təməlini qoyub

Ən çox oxunanalar