Bazar ertəsi, 16 May 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Yaşar Nurinin həyat yoldaşı: “İşdən gələndə zarafata deyirdi ki, səndən yaxşısını tapmadım” 

ARB TV-nin “O Üz” verilişinin növbəti buraxılışı aktyor Yaşar Nuriyə həsr edilib.

Ailə üzvləri, tələbələri və tərəf müqabilləri mərhum aktyor Yaşar Nuridən danışdı:

Qızı Ülkər Yaşarqızı qeyd edib ki, atasının nəsə sözü olanda belə onlara demirdi:

“Hər zaman anama deyərdi ki, bizə desin. 11-ci sinfi yeni bitirmişdim. Bir az dodaq boyası çəkmişdim. Qonaqlığa getmişdik. Atam elə orda mənə acıqlı baxdı. Üzünü çevirib anamın qulağına pıçıldadı. Anam gəldi mənə dedi ki, atan dünyanı dağıdır, get dodaq boyasını sil”.

Tələbəsi olan aparıcı Zaur Kamal isə aktyorun çox ciddi və tələbkar olduğunu deyib:

“2 il imtahan verdim. 3-cü, 4-cü il məndən soruşmadan “5” yazdı. Soruşdum niyə “5” yazmısınız, layiqəm ki? Dedi, bilirəm ki, sən aktyor olmayacaqsan”.

Yaşar Nurinin tələbəsi Xalq artisti Faiq Ağayev isə onu həmişə soyadı ilə çağırdığını bildirib: “Bəzi xasiyyətlərinə görə mənə atamı xatırladardı. Xəstəliyə təslim olmurdu, döyüşürdü. Təbii ki, pis olurdum, elə bil, atamın pis olmasını görürdüm. Amma özü nikbin idi deyə, gülümsəyirdi deyə, mən də gülümsəyirdim. Bax o zaman Yaşar müəllimin öyrətdikləri köməyimə gəldi. İçim ağlaya-ağlaya üzüm gülürdü. Aktyor sənətində mənim üçün günəş idi. Böyük şəxsiyyəti itirdim”.

Tərəf-müqabili olan Firəngiz Mütəllimova isə tamaşaçıların onları onlardan xəbərsiz evləndirdiyini vurğulayıb:

“Artıq alışmışdıq bizə olan bu münasibətə. Sonuncu dəfə xəstə olanda Türkiyəyə onun yanına getdim. Gördüm hamı gəlib qapıdan mənə baxıb, gedir. Mən də soruşdum ki, niyə baxırlar. Dedi ki, Rəhimə sənin şəklini onlara göstərib ki, bu qadını mənim ərim çox sevib”.

Həyat yoldaşı Rəhimə Nuriyeva Yaşar Nuri haqqında xatirələrini bölüşüb:

“Onun həyatını dəyişdiyi an mən yanında olmadım. 6 il ərzində xasiyyəti tamam dəyişmişdi. Mən o zaman başa düşdüm ki, sevgi nədir. Xasiyyəti çox ağır idi. Nadir hallarda bizimlə zarafat edərdi. Qışqırmağı, kobud rəftarı da olub. İçəri girən kimi bütün işıqları söndürüb, telefonu çıxardırdı. Kaş ki, arabada olardı amma sağ olardı, yanımda olardı. İşdən gəlirdi, zarafata deyirdi ki, səndən yaxşısını tapmadım. Onun bir sözü var idi, həyat kino kimidir, həmişə ən maraqlı yerində bitir. Mən də həyatımın ən maraqlı yerində Yaşarı itirdim”.

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

Paşinyan KTMT liderləri qarşısında gülünc vəziyyətə düşdü - Video

İlham Əliyev BƏƏ-nin Bakıdakı səfirliyində olub - Foto + Yenilənib

Hafiz Hacıyev: "Poz, qazan" və "misli.az" kimindirsə, böyük pullar qazanırlar"

"Bizi tısbağanın dalınca qaçmağa məhkum ediblər... "- Xalq artisti Vidadi Həsənov

Mərhum sənətçimizin doğum günündə: Qara çarşablı qadın onu uşaq evinə atdı, nişanlısı xəyanət etdi... - Foto

Həbsdə olan sabiq icra başçısının cəzası azaldıldı

Pentaqon rəhbəri Şoyqu ilə söhbətindən danışıb

Vilyam Hacıyevin məhkəməsində şahid dindirilib: “Yeddi minlik yardımdan ancaq 300-nü götürdüm”

Bakıda kirayə ev axtaranlar üçün pis xəbər - 400-450 manat... - Video

Rusiya ordusu Avdeyevdə itki verərək geri çəkildi

Astarada çay məcrasından çıxdı: Evlər təhlükə qarşısında - Video

Ən çox oxunanalar