Alimlər yarasaların 7 oktava səs diapazonuna malik olduğunu kəşf ediblər...
PİA.az xəbər verir ki, Danimarkalı elm adamları yarasaların "Death metal" vokalçıları kimi boğazdan xırıltılı səslər çıxardığını kəşf ediblər.
Qeyd edək ki, “brutal vokal” kimi də tanınan bu üslubda “oxuyan“ müğənnilər səs tellərini yükləyir və mahnılarını gurultulu və hətta xırıltı ilə oxuyurlar.
Digər tərəfdən, yeni bir araşdırmaya görə, yarasalar da rok metalçıları kimi xırıltılı səslər çıxararaq bir-birləri ilə ünsiyyət qura bilirlər. Üstəlik, bu məməlilərin səs diapazonu əksər insanlardan daha yüksəkdir.
Araşdrmalara görə, yarasalar bu xırıltıları boğazlarında mədəcik qıvrımları adlanan qalın strukturlar vasitəsilə yaya bilirlər. Onlardan aşağı tezliklərdə bir-biri ilə əlaqə saxlamaq üçün istifadə edirlər. Bununla belə, bu heyvanlar son dərəcə yüksək səslər, eləcə də boğuq və xırıltılı səslər çıxara bilirlər.
Əslində, tədqiqatçılar yarasanın normal səs diapazonunun 7 oktava olduğunu bildirirlər. Hətta məşhur müğənnilər arasında çox az adamın səs diapazonunun 5 oktava olduğu məlumdur. Bu şəxslərə Meray Kerri və Prins daxildir.
“Plos Biology” adlı elmi jurnalda dərc edilən yeni araşdırmada yarasaların qırtlaqdakı müxtəlif quruluşlar sayəsində bu diapazonu keçə bildiyi qeyd olunur. Bu kəşf yarasa səslərini qeydə alan və diqqətlə öyrənən Cənubi Danimarka Universitetinin tədqiqat qrupu tərəfindən edilib. Araşdırmaya rəhbərlik edən professor Koen Elemans, “Biz ilk dəfə olaraq qırtlaqdakı hansı fiziki strukturların müxtəlif səslər çıxarmaq üçün istifadə edildiyini müəyyən etdik” deyir.
"Yayda yarasa dəstələrini müşahidə etsəniz, bu çağırışları çox aydın eşidə bilərsiniz" deyən Elemans sözlərini belə davam etdirib: “Sözügedən “siqnalların” funksiyasını bilmirik. Ancaq bu səsləri yalnız bir-birlərinə qəzəbləndikdə, uçduqda və ya bir dəstəyə qoşulduqda çıxarırlar.
Mənbə: İndependent Türkçe
pia.az